Հայտնի է Սերժ Սարգսյանի և մյուսների գործով դատական նիստի օրը
Հայաստանի երրորդ նախագահ Սերժ Սարգսյանի, գյուղատնտեսության նախկին նախարար Սերգո Կարապետյանի, «Ֆլեշ» ընկերության սեփականատեր Բարսեղ Բեգլարյանի, գյուղատնտեսության նախկին փոխնախարար Սամվել Գալստյանի, նախարարության բուսաբուծության վարչության նախկին պետ Գևորգ Հարությունյանի գործով դատական առաջին նիստը կկայանա փետրվարի 25-ին, ժամը՝ 15։00-ին։ Այդ մասին տեղեկանում ենք դատական-տեղեկատվական համակարգից։
Գործը մակագրվել է Երևանի ընդհանուր իրավասության դատավոր Վահե Միսակյանին։