Տպավորություն է ստեղծում, որ ԱՄՆ դեսպանատունն ավելի տեղեկացված է եղել, քան մեր ԱԱԾ-ն. Ռոբերտ Քոչարյան
Հիմնավոր կասկածներ կան, որ «Մարտի 1-ի» իրադարձություների վերաբերյալ քրեական ամբողջական գործերում առկա նյութերը բավարար են 10 սպանությունը բացահայտելու համար: Այս մասին, ելույթ ունենալով այսօրվա դատական նիստին, ասաց ՀՀ երկրորդ նախագահ Ռոբերտ Քոչարյանը:
«Եթե համեմատենք շենքի հետ․ սկսել են տանիքից, մեղավոր են նշանակել, հետո գտել հոդվածը: Ապա գործի ամբողջ նյութերից առանձնացրել են միայն այն նյութերը, որոնք, իրենց կարծիքով, ձեւավորում են ինչ-որ ապացուցողական բազա: Ինձ մոտ այդպիսի տպավորություն է ձևավորվել, որովհետև, օրինակ, ամբողջ գործում ընդամենը 2 նյութ կա, 2 նամակ ԱԱԾ-ից: Պատկերացրեք, թե ինչ է տեղի ունեցել երկրում, եւ հանկարծ ամենակայացած կառույցներից մեկից նյութեր չկան: Կարելի՞ է դրան հավատալ: Ընդ որում, փետրվարի 24-ին քրեական գործ էր հարուցվել սահմանադրական կարգը տապալելու վերաբերյալ: Եվ երկրորդ նամակը` գործի 3 հատորի` ՀՔԾ փոխանցման մասին որոշումը: Կարելի՞ է, արդյոք, հավատալ, որ ԱԱԾ-ն չի տիրապետել տեղեկատվությանն ամբողջ ընթացքում: Մարդը ուղղակի շատ տկար ուղեղ պետք է ունենա, որ հավատա՝ դա այդպես է։ Մենք բազմիցս խնդրել ենք տրամադրել նյութերի ամբողջ ծավալը: Ես գիտեմ, թե ինչի մասին եմ խոսում: Ամեն շաբաթ ԱԱԾ-ի տնօրենը` բարձր մասնագետը, զեկուցում էր ինձ: Եվ ես գիտեմ, թե ինչ էր նա զեկուցում: Այս զեկույցներից ոչ մի նյութ այս քրեական գործում չեմ տեսել։ Գուցե դրանք կան այլ հատորներում կամ ԱԱԾ-ն չի տրամադրել»,- նշեց Քոչարյանը:
Մանրամասները՝ News.am_ի տեսանյութում