Արևիկ Անափիոսյանն ազատվեց պաշտոնից. Փաշինյանը որոշում է ստորագրել
ՀՀ վարչապետ Նիկոլ Փաշինյանի որոշմամբ ՀՀ կրթության, գիտության մշակույթի և սպորտի նախարարի տեղակալ Արևիկ Անափիոսյանն ազատվել է զբաղեցրած պաշտոնից: Այս մասին տեղեկացնում է ՀՀ կառավարության պաշտոնական կայքէջը:
Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արևիկ Անափիոսյանին ազատել կրթության, գիտության, մշակույթի և սպորտի նախարարի տեղակալի պաշտոնից: Գրված է ՀՀ վարչապետի որոշման մեջ:
Հիշեցնենք, որ մինչ վարչապետի որոշման հրապարակումը՝ փոխնախարար Անափիոսյանը «Ֆեյսբուքի» իր էջում պաշտոնից ազատվելու պատճառների մասին գրառում էր կատարել: Նա տեղեկացրել էր, որ ընդունվել է Հարվարդի համալսարանի բիզնես դպրոց և արդեն հունվարի 13-ից (առաջին մոդուլը` հեռակա) ուսանում է Գործադիր կառավարման կրթական ծրագրով: