Ռուբեն Հայրապետանի վրա ժողովուրդն իր կոշիկները չի մաքրում, որովհետև Փաշինյանը թույլ չի տալիս. Ալեն Սիմոնյան
«Ռուբեն Հայրապետանի և մնացածի վրա հայ ժողովուրդն իր կոշիկները չի մաքրում և դրա միակ թույլ չտվողը ՀՀ վարչապետ Նիկոլ Փաշինյանն է»: Այս մասին, լրագրողների հետ զրույցում հայտարարեց Աժ փոխնախագահ Ալեն Սիմոնյանը` անդրադառնալով ՀՖՖ նախկին նախագահ Ռուբեն Հայրապետյանի հայտարարությանը:
Ալեն Սիմոնյանի դիտարկմամբ՝ իրենք նախկինների տեսակը չեն և մարդակեր չեն:
Ալեն Սիմոնյանը չի կիսում այն տեսակետը, թե ներկա իշխանությունների վարկանիշն անկում է ապրում: Հասարակության շրջանում բողոքի ալիքներն ու դժգոհություններն էլ Ալեն Սիմոնյանը յուրովի է մեկնաբանում։
«ՀՀ ժողովրդին այս պահին ջղայնացնում է այն ամենը, ինչ այժմ արվում է Նիկոլ Փաշինյանի և իշխող կուսակցության դեմ, մենք որևէ մեկին չենք ատում, մենք ուժեղ ենք ու հաղթող: Այս ամենն անում են նրա համար, որպեսզի մեզանից սարքեն այն հրեշը, որն իրենք կան: Երբ երեկ խոսվում էր տեսակի մասին, հայտնի նախկիններն ասում են, թե այդ տեսակը ախրանիկերով զինվորական բժշկին քացով ծեծողների տեսակն եք, մարդ առևանգող, տարածքներ խլող, ընտրություններ կեղծող տեսակն եք, այո մեր իշխանությունն այդ տեսակը չէ և իրենց չի հաջողվի մեզ սարքել այդ տեսակը»,- նշեց Ալեն Սիմոնյանը:
Դիտարկմանը, թե իրենց իշխանության ժամանակ էլ Վայոց ձորի մարզպետի մասնակությամբ ծեծել են սպային, Ալեն Սիմոնյանը պատասխանեց. «Սուտ է»:
Հիշեցնենք, որ, իրեն բերման ենթարկելուց և ազատ արձակելուց հետո, Ռուբեն Հայրապետյանը պատասխանել էր լրագրողի հարցին, թե արդյոք իրեն պարռկեցրե՞լ են ասֆալտին: Վերջինս ասել էր, որ եթե իրեն ասֆալտին պառկեցնեին, ապա գեղեցիկ օր էլ ինքն էր իշխանություններին պառկացնելու ու ոտքերը մաքրելու նրանց վրա: