Արցախյան հակամարտության խնդիրը ոչ թե սեղանի շուրջ քննարկելու խնդիր է, այլ ռեալ հողի վրա․ Թևան Պողոսյան (տեսանյութ)
«Մարդկային զարգացման միջազգային կենտրոնի» ղեկավար Թևան Պողոսյանը հիշեցնում է, որ 2018 թվականի դեկտեմբերի 10-ին նոր իշխանություններին ընտրել ենք այն բանի համար, որ կատարեն իրենց խոստումները, ու հիմա մենք պետք է պահանջատեր լինենք։
Թևան Պողոսյանը լրագրողների հետ զրույցում հիշեցրեց նաև, որ իշխանությունը խոստացել էր Արցախը վերադարձնել բանակցային սեղանի շուրջ, ինչը մենք պետք է այսօր պահանջենք։
«Խոստացել են, որ ամեն բան անելու են թափանցիկ և հաշվետու, ուրեմն պետք է պահանջատեր լինենք, խոստացել էին, որ որևէ բան չի լուծվի առանց մեզ հետ այդ հարցերը քննարկելու, ուրեմն պետք է պահանջենք»,- նշեց Պողոսյանը:
Միևնույն ժամանակ Թևան Պողոսյանը նկատեց, որ իր համար արցախյան հակամարտության խնդիրը ոչ թե սեղանի շուրջ քննարկելու խնդիր է, այլ ռեալ հողի վրա։
Նա հիշեցրեց նաև խնդրի շուրջ Բաքվում Միացյալ Նահանգների նախկին դեսպան, ԱՄՆ-ի պետքարտուղարի տեղակալի նախկին օգնական, դիվանագետ Մեթյու Բրայզայի դիտարկումը։
«Նա հայտարարել է, որ մոտ 10-15 տարի փաստաթուղթ են ձևավորել, ո՞նց, հիմա կորչում է»,- ասաց Թևան Պողոսյանը։
Հիշեցնենք, որ ըստ Բրայզայի, Մադրիդյան սկզբունքների վերաբերյալ Փաշինյանի հայտարարությունները ցույց են տալիս, որ կամ վարչապետ Փաշինյանը չի հասկանում՝ ինչ են իրենցից ներկայացնում Մադրիդյան սկզբունքները, կամ նա տեղյակ է, սակայն որոշել է ոչնչացնել այդ ողջ գործընթացը:
Մանրամասները՝ տեսանյութում