Գեղարքունիքում Mercedes-ը բախվել է քարերին, ծառերին և շրջվել. 3-ամյա տղան տեղում մահացել է, կան վիրավորներ (ֆոտո)
Գեղարքունիքի մարզում, այսօր՝ հունվարի 29-ին, ողբերգական ավտովթար է տեղի ունեցել. ժամը 10։50-ի սահմաններում Mercedes մակնիշի 34 ZL 325 համարանիշի ավտոմեքենայի վարորդը Սևան-Մարտունի-Գետափ ավտոճանապարհի 37 կմ հատվածում դեռեւս անհայտ հանգամանքներում դուրս է եկել ճանապարհի երթևեկելի գոտուց, բախվել ծառերին ու քարերին եւ կողաշրջված վիճակում հայտնվել ձորակում։
Shamshyan.com-ը հայտնում է, որ վթարի հետևանքով 1 հոգի, որը 3 տարեկան տղա է, տեղում մահացել է, իսկ 2 հոգի մարմնական վնասվածքներով տեղափոխվել են «Սևան» բժշկական կենտրոն։
Ոստիկանությունն ու քննչական բաժինը պարզում են վարորդի, մահացածի եւ վիրավորների ինքնությունը։