«Այնքան ենք գալու, մինչև հարցը լուծվի». մսավաճառները դարձյալ բողոքի ակցիա են իարականցնելու
Այսօր` հունվարի 17-ին, անասնատերերն ու մսավաճառները բողոքի ակցիա են կազմակերպել: Երեկվանից սկսված ակցիայի մասնակիցները նկատում են, որ կենդանիներին սպանդանոցներ տեղափոխելու, սպանդանոցում մորթ իրականացնելու ծառայությունների վճարներն ազդելու են մսի ինքնարժեքի վրա։
«Թող բոլորը հավաքվեն, գան մեզ պատասխան տան՝ կամ էս կողմ, կան էն կողմ։ Մարդկանց եկամտի աղբյուրն է անասնապահությունը, դա էլ են ուզում կտրել»,-ասացին նրանք։
Անասանապահները բողոքում են, մինչ պարտադիր լինելը, պետք է հանդիպեին համայնքի ղեկավարների հետ, համայնքերում սպանդանոցներ ստեղծեին։ Նրանք պահանջելու են իրենց ժամանակ տալ, 5-րդ ձևը առայժմ չպահանջել, որպեսզի այդ ընթացքում նոր սպանդանոցներ սարքվեն։
Ամեն դեպքում, մսավաճառնեն ու անասնատերերը չեն դադարեցնի ակցիաները, քանի դեռ հարցը վերջնականապես լուծում չի ստացել: Նրանք հայտարարեցին, որ երկուշաբթի օրը դարձյալ կլինեն կառավարության շենքի դիմաց:
«Այնքան ենք գալու, մինչև հարցը լուծվի»,-ասացին նրանք: