Երբեմն տեսնում ենք ճնշումներ լրատվամիջոցի նկատմամբ. ԵՄ դեսպան
ՀՀ-ում ԵՄ դեսպան Անդրեա Վիկտորինը չի բացառում` երբեմն լրատվամիջոցների նկատմամբ ճնշումներ լինում են: Այսդ մասին նա հայտարչարեց ՄԻՊ-ի՝ որպես կանխարգելման մեխանիզմին նվիրված քննարկման շրջանակում ճեպազրույցի ժամանակ։
«Կարծում եմ, Հայաստանում կա ԶԼՄ-ների մեծ ազատություն, իհարկե, կլինեն ինչ-որ դեպքեր ու լինում են իրավիճակներ, որոնցում կարող է լինել ճնշում այս կամ այն լրատվամիջոցի նկատմամբ։ Մենք սա տեսնում ենք ցանկացած երկրում, իմ իսկ երկրում՝ Գերմանիայում, նույնը ևս պատահում է, ինչը չենք կարող բացառել»,-ասաց Անդրեա Վիկտորինը:
Նրա խոսքով, ԵՄ-ն այսօր ապատեղեկատվության դեմ պայքարի ուղղությամբ կառավարության հետ որոշակի աշխատանք կատարելու հնարավորություն ու լրագրողների վերապատրաստման խնդիր է դիտարկում:
«Մեզ միշտ կտեսնեք ԶԼՄ-ների ազատությունը կարևորող սուբյեկտի դերում։ Բազմաթիվ ծրագրերում մենք ինքներս ենք ներգրավում լրատվամիջոցներին՝ որպես կարևոր հսկիչների, բայց կա նաև հարցի մյուս կողմը՝ ԶԼՄ-ների պատասխանատու գործելու անհրաժեշտությունը»,-ասաց դեսպանը։