Իրաքում հրթիռակոծել են ամերիկյան ռազմաբազան. կան տուժածներ
Հերթական հարձակումն է տեղի ունեցել Իրաքում գտնվող ամերիկյան ռազմաբազայի ուղղությամբ: Կրակ են բացել Բաղդադի հյուսիսում գտնվող Էտ-Տադջի տարածքում գտնվող ռազմաբազայի ուղղությամբ: Այս մասին տեղեկանում ենք Ntv.ru կայքից:
Նախնական տվյալներով՝ հրետակոծության արդյունքում արձակվել է ութ հրթիռ: As Sumaria-ի փոխանցմամբ՝ առնվազն երեք իրաքցի վիրավորվել է, ամերիկացի զինվորները չեն տուժել: Այժմ հաշվարկվում է նյութական վնասը:
Անցած մեկ ամսվա ընթացքում Էտ-Թաջիի բազան երկրորդ անգամ ռմբակոծվում է: Այս անգամ դեռ ոչ ոք ռմբակոծության պատասխանատվությունը չի ստանձնել:
Հիշեցնենք, որ իրանցի գեներալ Սուլեյմանիի սպանությունից հետո տարածաշրջանում լարվեցին Իրանի ու ԱՄՆ-ի հարաբերությունները: