Ալավերդու երկաթգիծը բաց է. ժողովրդի հետ պարզ, ազնիվ զրույց ունեցա. Արեն Մկրտչյան
Ալավերդու երկաթգիծը բաց է. ժողովրդի հետ պարզ, ազնիվ զրույց ունեցա: Այս մասին ֆեյսբուքի իր էջում գրել է ԱԺ «Իմ քայլը» խմբակցության պատգամավոր Արեն Մկրտչյանը, որն այսօր հանդիպում է ունեցել Ալավերդու պղնձաձուլարանի աշխատակիցների հետ:
«Ալավերդու երկաթգիծը բաց է. ժողովրդի հետ պարզ, ազնիվ զրույց ունեցա։
Պղնձաձուլարանի աշխատակիցները 3 ամիս աշխատավարձ չեն ստացել։ Երկաթգիծն այսօր փակ էր։ Տեղեկացրի, որ հարցը կառավարության, ՊԵԿ նախագահի, ՏԿԵ փոխնախարարի, գործարար Նորիկ Պետրոսյանի և իմ ուշադրության կենտրոնում է, մանրամասն ներկայացրի արվող աշխատանքը։ Խնդրեցի տեղափոխվել ձուլարանի տարածք ու շարունակել զրույցն այնտեղ։
Այնուհետև խնդրել եմ չտրվել սադրանքների, քանի որ մեզ հասած տեղեկություններով՝ առանձին տարրեր փորձում են սոցիալական խնդիրն օգտագործել իրենց նենգ նպատակների համար։ Եվ խնդրի լուծման ուղղությամբ արվող այս լայնածավալ աշխատանքների համատեքստում ստրատեգիական կարևորության երկաթգիծը փակ պահելն ուղիղ հարված է կառավարությանը, մեր թիմին ու ինձ անձնապես։ Խնդրել եմ թույլ չտալ պատ շարել իմ ու իրենց միջև։ Վստահեցրել եմ՝ ինքս եմ ջարդելու այդ փորձերը։ Ժողովուրդը վստահեցրեց՝ սադրիչների ականջից թղթով բռնելու են ու ուղարկեն Թեղուտի պոչամբար։ Քաղաքապետին ու բոլոր ներկաներին ի գիտություն տեղեկացրել եմ, որ ժողովրդի հետ հանդիպելու համար ես միջնորդի կարիք չունեմ։
Այսպիսով, ավելի քան 93 մլն դրամ կա հիմնարկի հաշվին, որը նոր ղեկավարությունը (ղեկավարումը ստանձնել են մոտ 2 ամիս առաջ) պատրաստ է ամբողջությամբ փոխանցել աշխատակիցներին, և դա բավարար է 3 ամսվա աշխատավարձի պարտքն ամբողջությամբ մարելու համար։ Խնդիրը հիմնարկի սառեցված հաշիվներն ու դրանց վրա առկա կալանքներն են։
Հիմնարկի ղեկավար Կարեն Ղազարյանը հրապարակեց փաստաթղթեր՝ մերկացնելով, բացահայտելով նախկինում տեղի ունեցածը։ Ժողովուրդ ջան, մենք մի թիմ ենք, մենք ընտանիք ենք։ Կանենք հնարավորը, անգամ անհնարինը այս կարևոր խնդրի լուծման համար։
Շնորհակալ եմ։ Ինչպես ասացի հանդիպման վերջում, մեկ առ մեկ պինդ գրկում եմ բոլորիդ»,- գրել է նա:
Ինչպես և որտեղ է հայտնաբերվել 36 կիլոգրամ գողացված ոսկին, ինչ կապ ունի Զապի փեսան․ բացառիկ տեսանյութ...
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Բերման են ենթարկել Լիլիթ Ավետիսյանին
Արմեն Չարչյանի հորեղբոր դուստրը մասնակցել է Աննա Հակոբյանի 1մլն դրամանոց բարեգործական ընթրիքին (լուս...
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Տելեգրամով դպրոցներին վերաբերող սահմռկեցուցիչ հայտարարությունները բառացիորեն կեղծիքներ են, որոնք տար...
Վա՜յ, նայա հլա, ինչ բնությու՜ն, նայա՜,Փաշինյան ջան, մեռնեմ գլխուդ դխկ ու ցխկին. Խոպանչին ուղերձով դի...
Քրեական պատմություններով հայտնի նորատուսցի Արայի «յաշիկը» երթևեկում է հանդիպակաց գոտով (տեսանյութ)
Ովքեր են մասնակցել Աննա Հակոբյանի «խորհրդավոր» ընթրիքին
Մարդիկ եկել էին սատարելու, որ սա մեր հայրենիքն է, և նահանջելու տեղ չկա․ «Տավուշը հանուն հայրենիքի»
