Աննա Մովսեսյանը «Հեփիում»-ում տոնական աննկարագրելի խառնաշփոթի մասին

Մոտենում է ամենագեղեցիկ տոնը՝ Ամանորը: Այս տոնին սկսվում է աննկարագրելի հաճելի խառնաշփոթ, որից ետ չի մնում նաև «Հեփիում» մանկական հյուրատունը:
«Հեփիում»-ի հիմնադիր-տնօրեն Աննա Մովսեսյանի հետ պարզել ենք, թե ինչ է սպասվում «Հեփիում»-ում տոներին ընդառաջ:

-Աննա, «Հեփիում»-ը տոներին համապատասխան ծրագի՞ր ունի:

-Այո, մեր հյուրատունը յուրաքանչյուր տոնին համապատասխան ծրագիր ունի, և ամենագեղեցիկ տոնը՝ Ամանորը, չէր կարող դուրս մնալ այդ ցանկից: Այս տարի ևս Ամանորը մեզ մոտ շատ գունեղ ու բարձր տրամադրությամբ է անցկացվելու: Նոր տարին, «Հեփիում»-ի ողջ տարածքը լցվում է տոնական տրամադրությամբ՝ գեղեցիկ զարդարանքով, ամանորյա երաժշտությամբ և որ ամենակարևորն է՝ ամբողջ տարածքում կարելի է տեսնել ուրախ և չարաճճի Էլֆերին, որոնք երեխաների հետ այս ու այն կողմ են գնում և ուղեկցում ամանորյա ներկայացման կերպարների մոտ:

-Ի՞նչ ներկայացումներ են լինելու,մանրամասնեք խնդրեմ:

-3 պրեմիերա է լինելու՝ «Խառնաշփոթ Սանտայի տանը», Սանտա Կլաուսի փոքրիկ օգնականները՝ «Թոմը և Ջերին», «Արի պարենք» ամանորյա դիմակահանդեսը:

- Հյուրերը կարո՞ղ են մասնակից դառնալ ներկայացումներին:

-«Հեփիում»-ում սկզբունքային է ինտերակտիվ կապի պահպանումը: Ներկայացումները, որոնց ականատեսը կլինեք այցելելով «Հեփիում», բեմադրված են այնպես, որպեսզի հյուրերը կարողանան մասնակից դառնալ:

-Սկսենք սկզբից. «Խառնաշփոթ Սանտայի տանը»

-Ներկայացումը հիմնված է Գրինչի արկածների վրա, որին մասնակից են դառնում նաև այլ կերպարներ: Իսկ բարի էլֆերը ամբողջ ընթացքում կուղեկցեն երեխաններին, և կփորձեն օգնել Սանտա Կլաուսին բաժանել երեխանների նվերները:

-Թոմի և Ջերրիի ամանորյա արկածների մասին ի՞նչ կասեք:

-Երկրորդ պրեմիերան բոլորից կողմից սիրված «Թոմ և Ջերրի» կերպարների մասին է: Ներկայացումը պատմում է Թոմի և Ջերրիի ամանորյա արկածների մասին: Երեխաները դիտելուց բացի, անմիջական կապ են ունենալու և մասնակից են դառնալու ներկայացմանը՝օգնելով Սանտա Կլաուսին փրկել Ամանորը:

-Հեքիաթային այլ կերպարներ լինելո՞ւ են:

-Այո,երեխաները նաև կհանդիպեն հայտնի մուլտֆիլմի այլ կերպարների:

-Սանտա Կլաուս կամ Ձմեռ պապ լինելո՞ւ է:

-Իհարկե, էլ ի՞նչ Նոր տարի առանց Սանտա Կլաուսի. Սանտա Կլաուսին մարմնավորելու է «Արձագանք» խմբի հիմնադիր երգիչ-երգահան Արտավազդ Բայաթյանը:

-Ովքե՞ր են խաղալու ներկայացման մեջ:

-Ներկայացումներում խաղալու են հայտնի և սիրված պրոֆեսիոնալ դերասաններ՝ Սամվել Դանիելյան, Սիրանուշ Լազյան, Տաթև Ղարիբյան, Անի Բայաթյան և այլ տաղանդավոր երիտասարդներ, որոնք մեծ սիրով են կատարում իրենց աշխատանքը:

-Ներկայացումներից բացի, ինչպիսի՞ ժամանց է ապահովում «Հեփիում»-ը երեխաների համար:

-Տոնական տրամադրությունը մեզ մոտ լիարժեք կդարձնեն պարային ռիթմերը: Բացի ինտերակտիվ ներկայացումներից, լինելու է նաև «Արի պարենք» ամանորյա դիմակահանդես:

Անունը արդեն հուշում է, որ ներկա լինելով դիմականդեսին՝ մասնակից եք լինելու խենթ և ուրախ փարթիի, որի ընթացքում կլինեն պարային բեմադրություններ, ֆլեշմոբեր, կրակով բեմադրություն, խոհարարների պար, տեղաս և այլ անակնկալ պարեր:
«Արի պարենք» դիմակահանդեսի ժամանակ կպարեն պրոֆեսիոնալ պարողներ, դերասաններ, որոնք անմոռանալի ժամանց կհաղորդեն դիմակահանդեսին:

-Ներկայացումները բաց չթողնելու համար նախապե՞ս է պետք ամրագրել տոմսերը:

-Այո, անպայման, քանի որ մենք աշխատում ենք միայն նախնական պատվերով: «Հեփփիում»-հյուրատունն ի տարբերություն այլ ժամանցի վայրերի, չնախատեսված հյուրեր չի ընդունում: Մենյուն ընտրվում է նախապես,և հյուրերի թվին համապատասխան թարմ սնունդ է առաջարկվում:

Տոմսերն ամրագրելու և մանրամասների համար կարող են զանգահարել հետևյալ հեռախոսահամարներով. 093.233-726, 096. 999-074 կամ հետևել մեզ ֆեյսբուքյան և ինստագրամյան էջերով:

-Հեփփիում»-ն ինչո՞վ է տաբերվում մանկական այլ ժամանցի վայրերից:

-Նախ «Հեփփիում»-ը շատերը դիտարկում են որպես մանկական սրճարան, սակայն ուզում եմ շեշտել, որ «Հեփփիում»-ը հյուրատուն է և ունի սպասարկման հստակ ֆորմատ:

-Ամանորին և՞ս գործելու է «Հեփիում»-ի չգրված օրենքները:

-Այո, «Հեփիում»-ում արգելված են գազավորված ըմպելիքները, չիփսերը, որոնք վնասակար են մարդու առողջությանը: Գազավորված ըմպելիքների փոխարեն մենք առաջարկում ենք մեր հյուրատան այգու մրգերից պատրաստված կոմպոտներ:
«Հեփիում»-ում բացակայում են խաղային ավտոմատները, Wi-Fi չունենք, հավաքում ենք բջջային հեռախոսները, որպեսզի հյուրերը միախմբվեն և զգան կյանքի իրական ակնթարթները:

-Ո՞ր առիթների դեպքում կարելի է հաճախել «Հեփիում»:

-«Հեփիում» կարելի է հաճախել ցանկացած առիթով: Մենք յուրաքանչյուր առիթի համապատասխան ծրագրեր ունենք: Եթե դուք արդեն որոշել եք Ձեր միջոցառումը կազմակերպել «Հեփփիում»-ում, վստահ եղեք, որ սրահում կողմնակի մարդիկ չեն լինի: Իր հարկի տակ կարող է ընդունել 120 հոգի: Երեխաներին սպասվում է 3-4 ժամյա ամբողջական ծրագիր՝ թեմատիկ և ուսուցողական խաղեր։

-«Հեփիում»-ը նաև այգի ունի: Ձմռանն այգում ժամանց կազմակեպո՞ւմ եք:

-Իհարկե, եթե բախտներս բերի, այդ օրերին ձյուն տեղա, կարող ենք մի լավ ձնագնդի խաղալ:

-Եվ վերջո՞ւմ:

-Վերջում ուզում եմ շնորհավորել բոլորին գալիք տարվա առթիվ և մաղթել ուրախ ու անմոռանալի օրեր ոչ միայն տոնի, այլև ողջ տարվա ընթացքում: