«Ոչ մեկը թող չմտածի, թե մենք անգրագետ համբալ աշխատողներ ենք»․ «Նաիրիշին»-ի աշխատակիցների բողոքի ակցիան (տեսանյութ)
«Ոչ մեկը թող չմտածի, թե մենք անգրագետ համբալ աշխատողներ ենք ու ոչ մի բան չենք հասկանում։ Եթե քարտուղարուհին, լուծարման կառավարիչն ու էն մյուսը փող են ստացել, ուրեմն ես էլ պետք ա ստանամ, Շահենն էլ ու էն մյուսն էլ»։ Այսօր, լրագրողի հետ զրույցում ասացին «Նաիրիշին» բաժնետիրական ընկերության բակում բողոքի ակցիա իրականցնող աշխատողները։
Կոտայքի մարզի Եղվարդ քաղաքի վարչական տարածքում գտնվող են ընկերության աշխատակիցները նկատում են, որ ընկերությունը 2017թ.-ն սննկացել է և աճուրդ իրականացրել, որից ստացած գումարով կարող էր փակել աշխատավարձերի պարտքերը, սակայն մինչ օրս ոչ ոք գումար չի ստացել, բացառությամբ ղեկավար անձնակազմից։
«Ապրանքը վաճառել են՝ լավ են արել, իրենց համար են օգտագործում՝ էլի լավ են անում, թող մեր փողերը տան»,-ասաց աշտակիցներից մեկը, ով պնդում է, որ իր կատարած աշխատանքի դիմաց ընկերությունն իրեն 1մլն դրամ է պարտք։
Աշխատակիցներից Շահեն Հակոբյանն էլ նշեց, որ իրենց անընդհատ ասել են՝ համբերեք, իրենք էլ համբերել են, բայց այսօր պազվել է, որ իբր իրենք գումար չունեն ստանալու։
«Էսօր ասում են, թե վճարել են, ասում են՝ ապացուցեք, որ փող ունեք ստանալու։ Մենք պահանջում ենք մեր ստորագրությունները, ցուցակները, ասում են՝ արխիվն արդեն հանձել են, վառել են»,- ասում է Շահեն Հակոբյանն ու պնդում, որ իրեն կարող են դատի տալ, եթե ինքը ստում է։ Նրա հետ համաձայն են մյուս բոլոր աշխատակիցները։
«Եթե մեզ աշխատավարձ են տվել ու խաբում, ասում ենք չեն տվել, թող մեզ դատեն, բայց եթե իրենք են սուտ խոսում, պետք ա պատասխան տան դրա համար»։
Այժմ աշխատակցիները հույս ունեն, որ կառավարությունը կարձագանքի և իրենց խնդիրը կլուծվի։
Մանրամասները՝ TERT.am-ի տեսանյութում