Վանեցյանի և Խաշմանյանի դեմ ձևավորված սաբոտաժի գլխավոր դերակատարն Արմեն Մելիքբեկյանն էր. Մենուա Մեհրաբյան
Սպորտային մեկնաբան Մենուա Մեհրաբյանը ֆեյսբուքի իր էջում գրել է․
«Հիմա առավել քան ակնհայտ դարձավ, որ Արթուր Վանեցյանի եւ Աբրահամ Խաշմանյանի դեմ ձեւավորած սաբոտաժի գլխավոր դերակատարն Արմեն Մելիքբեկյանն էր` Նիկողոսյան Արմենի հետ դուետով։ ՀՖՖ նախագահի աթոռին բազմելու հեռանկարը ստիպեց Մելքբեկյանին` կանգ չառնել ոչնչի առջեւ։
Օգտվելով նրանից, որ Վանեցյանը ֆուտբոլային մարդ չէր, Մելիքբեկյանը մեծ հաջողությամբ կասեցրեց իր վերադասի հանդիպումը` համաշխարհային ֆուտբոլում մեծ ճանաչում ձեռք բերած Նունու Գոմեշի հետ` ֆուտբոլային Եվրոպայի ղեկավարության մոտ ակնհայտ հարվածի տակ դնելով Վանեցյանին։ Մելիքբեկյանը, նաեւ, նույն հաջողությամբ վերջնականապես պառակտեց երկրպագուական բանակը` հստակ եւ վերջնական անջրպետ դնելով երկու շարժումների միջեւ` լուրջ ֆինանսավորելով դրանցից ընդամենը մեկին։
Սրանք ընդամենը երկու բաղադրիչ, որոնք վկայում են Մելիքբեկյանի իրական «նպատակների» մասին։ Այսօր Արմեն Մելիքբեկյանը մասնակցել է միջոցառման, որին ներկայացել է այն կարգավիճակում, որում գտնվում է նաեւ Վանեցյանին հրաժարականից հետո։ ՀՖՖ կանոնադրությամբ` ֆեդերացիայի գործկոմի ընդամենը 1 անդամը կարող է հրավիրել գործկոմի արտահերթ նիստ։ Մելիքբեկյանն այս դեպքում նույնպես մտածելու ոչինչ չունի, քանի որ ներկայիս գործկոմի ճնշող մեծամասնությունը, որը ներկայացնում է քաղաքական իշխող ուժը, չի ցանկանա «նեղացնել» Մելիքբեկյանին։ Դա է պատճառը, որ իրեն անպարտելի եւ արդեն ՀՖՖ նախագահ պատկերացնող Մելիքբեկյանն աջուձախ մասնակցում է միջոցառումների` շարունակելով պաշտոնավարել ՀՖՖ գլխավոր քարտուղարի աթոռին։
Սա ոչ այլ ինչ է, քան քաղաքական թեւի աջակցությունը վայելող անձի կողմից ՀՖՖ իշխանությունը զավթելու մոլուցք։ Ստեղծված իրավիճակում միակ լուծումը` հանրային պահանջի ձեւավորումն է։ Հայկական ֆուտբոլի ապագայով մտահոգ անձանց կոչ եմ անում ձեւավորել նշված պահանջը։ Իսկ Արմեն Մելիքբեկյանին հիշեցնեմ, որ նույն կերպ վստահ էր նաեւ ՀՀ քաղաքական` նախորդ իշխանությունը։ Չեզոքացնելով ընտրություններից առաջ անհրաժեշտ հավասարությունը` Մելիքբեկյանը հույս ունի ջախջախիչ հաղթանակի։ Դեկտեմբերի 23-ին տեսնելու ենք այլ պատկեր` պարոնայք Արմեններ»։
Մի խումբ երիտասարդներ «Ռոյալ» ակումբում Պզոյին ծեծի են ենթարկել
«Զգացի, էդ երեխան չի կարողանում ռույլը շարժել, ոչինչ չէր աշխատում». «Ուրալի» վթարից վիրավորված կին
Վարդան Ղուկասյանը կարևոր հայտարարություն է արել (տեսանյութ)
Հավաքվել ենք, որ մեր գյուղը փրկենք, հետո էլ ամբողջ Հայաստանը. տավուշցի փոքրիկներ (տեսանյութ)
Արցախից խաղաղապահների շտապ դուրս գալը կարող է կապված լինել Ադրբեջանում սպասվող զարգացումներով․ Դանիե...
Երևանում 34-ամյա որդին Ավանում սպանել է մորը, ապա գնացել Կիևյան կամուրջ և այնտեղից իրեն ցած նետել
Վարդենիսում տաքսու վարորդն ու ևս մեկ տղամարդ 13-ամյա աղջկա են բռնաբարել. բժիշկները պայքարում են նրա ...
«Թքեմ Նիկոլի ու իրա կնգա երեսին». փողոցային առևտրով զբաղվող քաղաքացի (տեսանյութ)
Ոսկեպարի բնակիչները հայտարարել են, որ Փաշինյանն իրենց այլ բան էր խոստացել
Դիմում ենք դաշնակից ՌԴ իշխանություններին և բարեկամ ռուս ժողովրդին՝ խաղաղապահ զորախմբի դուրսբերման գո...
