Ժողովո՞ւրդն է մեզ սկուտեղի վրա իշխանություն մատուցել․ այ քեզ բան․ Միրզոյանին դուր չեկավ Ուրիխանյանի դիտարկումը (տեսանյութ)
Այսօր՝ նոյեմբերի 12-ին, Ազգային ժողովի նիստում իմքայլական պատգամավորները «Բարգավաճ Հայաստան» խմբակցության պատգամավոր Տիգրան Ուրիխանյանի ելույթները որակեցին պաթետիկ և նրան մեղադրեցին «պոպուլիստ երևալու» մեջ։
Այս ամենն սկսվեց այն բանից հետո, երբ Ուրիխանյանը հայտարարեց, որ եթե բյուջեի մուտքերն ավելացել են, ապա պետք է նաև բարձրանան թոշակները՝ առաջարկելով փոփոխություններ «Պետական կենսաթոշակների մասին ՀՀ օրենքում լրացումներ կատարելու մասին» նախագծում։
Արձագանքելով իր հասցեին հնչեցված մեղադրանքներին՝ Ուրիխանյանը հորդորեց կոռեկտություն պահպանել և պաշպանեց իր այն տեսակետը, որ թոշակառուների տարիների ընթացքում վաստակած թոշակները պետք է բարձրանան։
Նա նաև նկատեց, որ այս իշխանությունը կառավարությունն ստացել է ժողովրդից․ «Այս իշխանությունը ժողովուրդը մատուցեց իշխանությանը»,-ասաց նա, ինչը դուր չեկավ ԱԺ նախագահ Արարատ Միրզոյանին։
«Պարոն Ուրիխանյան, մենք շատ լավ հիշում ենք մեր իշխանության աղբյուրը, իսկ դա ՀՀ քաղաքացին է ու նրա տված քվեն: Դուք չէ, որ մեզ պետք է այդ մասին անընդհատ հիշեցնենք: Խոսքը «սկուտեղի վրա մատուցել» արտահայտությունն էր, որն, ինձ թվաց ոչ այնքան ճշմարտությունն արտացոլող: Իսկ այդ ամբիոնից խոսելու իրավունքը ձերն է, ինչ ուզեք, կարաք խոսաք, այ քեզ բան»:
Մանրամասները՝ տեսանյութում