Դուք մե՞զ հետ եք, թե՞ ահաբեկիչների. Էրդողանը դիմել է ՆԱՏՕ-ին
Թուրքիայի նախագահ Ռեջեփ Թայիբ Էրդողանը հայտարարել է, որ ՆԱՏՕ-ն ինչպես որ հարկն է օգնություն չի տրամադրում Թուրքիային և վերջինիս կոչ է արել ընտրություն կատարել Թուրքիայի և ահաբեկիչների միջև:
«Մենք ՆԱՏՕ-ի անդամ ենք, որի կանոնադրության մեջ ասված է, որ ՆԱՏՕ-ի անդամ որևէ երկրի վրա հարձակման դեպքում այլ անդամ երկրները պետք է օգնեն վերջինիս: Իսկ մենք կանգնած են ահաբեկիչների հարձակման վտանգի առաջ և մյուս անդամ երկրները պետք է օգնության հասնեն մեզ: Դուք մե՞զ հետ եք, թե՞ ահաբեկիչների: Մեզ հստակ պատասխանեք»,- ասել է Էրդողանը:
Էրդողանը նաև հավելել է, որ այս ամենը միգուցե տեղի է ունենում այն պատճառով, որ Թուրքիան ՆԱՏՕ-ի անդամ միակ մահմեդական երկիրն է: