Դատապարտելի է, ես Անդրանիկ Քոչարյանի փոխարեն ներողություն եմ խնդրում. Սասուն Միքայելյան
Ազգային ժողովի «Իմ քայլը» խմբակցության պատգամավոր, ԵԿՄ նախագահ Սասուն Միքայլեյանը ծանոթ չէր նույն խմբակցության պատգամավոր Անդրանիկ Քոչարյանի հայտարարությանը Արփինե Հովհաննիսյանի մասին:
Երբ լրագրողները նրան տեղեկացրին, որ Քոչարյանն ասել է թող Հովհաննիսյանը պայմանական խոսի իր մայրիկի կամ անհայտ հայրիկի մասին, Միքայելյանն ասաց, որ եթե Քոչարյանն այդպսիիս բան է ասել, ապա ինքը նրա փոխարեն ներողություն է խնդրում:
Լրագրողի հարցին, թե արդյոք չի՞ պատրաստվում քննիչ հանձնաժողով ստեղծել և քննել Անդրանիկ Քոչարյանի վարքը, նա ասաց, որ կարծում է, թե այդ հարցին արդեն պատասխանել է:
Մեկ այլ հարցի էլ, թե Միքայելյանի համար դատապարտելի՞ է Քոչարյանի արտահայտությունը, նա դրական պատասխան տվեց. «Դատապարտելի է, Անդրանիկ Քոչարյանն իմ ընկերն է, եթե նման բան է ասել, ապա ես իր փոխարեն ներողություն եմ խնդրում»: