Իսկ ինչո՞ւ չոլորեցին դատարանների դռներ փակող, դատավորներին հրող, քաշքշող, վիրավորող ու վայր գցող քաղաքացիների թևերը
Նայում եմ կադրերը, թե ինչպես են երկու ուժեղ ոստիկաններ ոլորել դատավորին վիրավորած (կամ հարց տված) երիտասարդի` Նարեկ Մութաֆյանի թևերն ու ինչպես են նրա գլուխը գրեթե գետնին քսելով` տանում ոստիկանություն...
Նարեկ Մութաֆյանին ձերբակալել են ՀՀ քրեական օրենսգրքի 343-րդ հոդվածի հատկանիշներով. այսինքն` դատարանի նկատմամբ անհարգալից վերաբերմունք ցուցաբերելու պատճառով:
Ես իհարկե դեմ չեմ, որ անկարգություններ կատարող անձինք պատժվեն, բայց զարմանում եմ. եթե դատավորի նկատմամբ անհարգալից վերաբերմունք ցուցաբերելու համար համապատասխան պատժամիջոց կա ու նման պատժի են ենթարկում, ապա ինչո՞ւ Սահմանադրական դատարանի դիմաց դատավոր Ալվինա Գյուլումյանին վիրավորած կանանց ու տղամարդկանց թևերը նույնպես չոլորեցին ու չձերբակալեցին:
Քաղաքացիները ՍԴ դատավորի վրա հարձակվել, քաշքշում ու փորձում էին նույնիսկ հարվածել նրան: Ոստիկանները դատավորին հազիվ էին պաշտպանում: Խեղճ կինը, բառի ամենաուղիղ իմաստով, պարզապես փախուստի դիմեց...
Կամ նույն տրամաբանության մեջ ինչո՞ւ չպատժվեցին դատարանների դռներ փակած ու դատավորներին վիրավորող քաղաքացիները: Էլ չենք ասում, որ այդ քաղաքացիները հրեցին պատուհանից դատարան ներս մտնող դատավորներից մեկին, ու նա վայր ընկավ...
Թերևս նույն անհարգալից վերաբերմունքին արժանացավ նաև գեներալ Մանվել Գրիգորյանի պաշտպանը...
Վերոհիշյալ դեպքերը դատարանի նկատմամբ անհարգալից վերաբերմունք չե՞ն, թե՞ օրենքը թեքվում է այն կողմ, ուր հաճո է «թագավորին»:
Ո՞վ չի հասկանում, որ Նարեկ Մութաֆյանի դեպքը որակվեց «անհարգալից վերաբերմունք» և մեղավորը ստիպողաբար գրեթե բերանքսիվայր մտավ ոստիկանություն զուտ այն պատճառով, որ նա ՀՀ երկրորդ նախագահ Ռոբերտ Քոչարյանի աջակիցներից էր:
Եթե այդպես չէ, ապա թող նույն ձևով բերման ենթարկվեին ու ձերբակալվեին նաև Սահմանադրական կարգը խախտող, դատավորների վրա ձեռք բարձրացնող, դատավորներին քաշքշող ու, առհասարակ, դատարանի նկատմամբ անհարգալից վերաբերմունք ցուցաբերած մյուս քաղաքացիները ևս: Թե՞ նրանք «բարձրյալի» քաղաքական պատվերն են կատարել, և նրանց վրա այդ օրենքն ու պատիժը չի տարածվում...
Այսքանից հետո ինչպե՞ս չասել, որ Հայաստանում արդարադատության նիզակները շարունակվում են արձակվել դարձյալ մեկ անձի հրահանգով. պարզապես դեպքերի բերումով և իրավիճակի փոփոխությամբ պայմանավորված` փոխվել է «հրահանգիչը»...
Արմինե Մկրտումյան
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
