Ջորջ Սորոսը ցանկություն էր հայտնել ինձ հետ հանդիպել․ Նիկոլ Փաշինյան (տեսանյութ)

Լոս Անջելեսում մամուլի ասուլիսի ժամանակ պատասխանելով հարցին` ՀՀ վարչապետ Նիկոլ Փաշինյանը հայտարարել է, որ Դավոսի ֆորումից առաջ «Բաց հասարակության հիմնադրամների» հիմնադիր Ջորջ Սորոսը ցանկություն էր հայտնել հանդիպել իրեն:

«Իմ աշխատանքային գրաֆիկը շատ խիտ էր և որևէ կերպ չհաջողվեց հանդիպման նրա խնդրանքը բավարարել»,-ասաց Փաշինյանը։

Ըստ նրա, սխալ է վարկածը, թե հեղափոխությունը պլանավորված է.

«Ասում են՝ հա ուրեմն ինչ-որ տեղ պլանավորվել է, այնտեղ, որտեղ պլանավորվում են Ձեզ հայտնի հեղափոխությունները, բայց այնտեղ, որտեղ սովորաբար պլանավորվում են հեղափոխությունները, պակաս կասկածանքների և տառապանքների մեջ չեն, որովհետև ասում են՝ չհասկացանք, եթե այս հեղափոխությունը մենք չենք արել, ապա այդ ով է համարձակվել առանց մեր թույլտվության անի հեղափոխություն։ Այնպես որ ես բոլոր կողմերին խնդրում եմ հանդարտվել, որովհետև նրանք, ովքեր եղել են Հայաստանում, և ոչ թե իրենց կաբինետներում և իրենց աշխատանքային սեղանների տակ մտած, ապա գիտեն՝ ով արել հեղափոխությունը և ինչպես։ Հեղափոխությունը եղել է ուղիղ եթերում և այս պատմությունը երկար տարիների պատմություն ունի, որը բոլորի աչքի առաջ է եղել»,-ասաց Փաշինյանը:

Մանրամասները` տեսանյութում