Մրցակցելու միակ և հիմնական չափանիշը կրթության որակն է. Եվրոպական քոլեջը դրանով է առաջնորդվում. տնօրենի հարցազրույցը (ֆոտո)

Հարցազրույց «Հայաստանում Եվրոպական քոլեջ» հիմնադրամի տնօրեն Սիմոն Հակոբյանի հետ:

-Պարո՛ն Հակոբյան, ինչպես գիտենք, շուրջ 6ամիս է, ինչ ղեկավարում եք Եվրոպական քոլեջը։ Դժվար չէ՞ր պատասխանատու այդ պաշտոնի ստանձնումը:

-Իհարկե դժվար էր կարմտավախություն, բնականլարվածություն, կարպատասխանատվությանզգացում, կարգիտակցում, թե ինչ մեծագույն պատասխանատվություն պետք է կրեմ: Ինչպես գործընկերներս են ասում, համեմատաբար կարճ ժամանակամիջոցում, ժողովրդի լեզվով ասած, «հունի մեջ ընկա»: Հիրավի, այդ հարցում մեծ դերակատարում ունեցավ քոլեջի աշխատանքային կոլեկտիվը, մարդիկ անկեղծորեն հավատացին և նեցուկ կանգնեցին:

Ինձ ոգևորեցին Հոգաբարձուների խորհրդի նախագահ պրն. Արթուր Բաղդասարյանը և այն վստահությունը, որին արժանացա քոլեջի հոգաբարձուների խորհրդի կողմից:

Այդ ամենով հանդերձ` հեռու եմ այն մտայնությունից, թե կատարյալ, անթերի, անսխալ տնօրեն է լինում, այն էլ կրթության ոլորտում, որը արմատական վերափոխումների շրջան է ապրում: Պահանջվում են մշտական աշխատանք, որոնումներ, իմացության սահմանների անընդհատ ընդլայնում, զարգացման ու հմտությունների ձեռքբերման նոր ուղիներ, կառավարման կատարելագործում։

-Ի՞նչ մասնագիտություններ են դասավանդվում քոլեջում։ Ուսուցանվող մասնագիտությունների արդիականությունն էլ (հետևաբար` պահանջարկը) ոչ պակաս կարևոր հանգամանք է: Ի՞նչ կասեք այդ մասին:

-Կարող եմ ասել, որ մեզ մոտ ուսուցանվող բոլոր մասնագիտություններն էլ արդիական են։ Դրանցից յուրաքանչյուրի հանդեպ կա հետաքրքրություն: Քոլեջը իրականացնում է միջազգային չափանիշներին համապատասխան, հայկական և եվրոպական ծրագրերի զուգակցված միջին մասնագիտական բարձրորակ կրթություն։

Այս պահին ունենք լիցենզավորված հետևյալ մասնագիտությունները՝

Մենեջմենթ /կառավարում/, Ծրագրավորում /մուլտիմեդիա/, Հաշվողական տեխնիկա և ավտոմատացված համակարգերի ծրագրային ապահովում, Տուրիզմ, Գործավարություն և թարգմանություն /Լեզուներ/, Հաշվողական մեքենաներ, համալիրներ, համակարգեր և ցանցեր, Հաշվապահական հաշվառում, Իրավագիտություն։

Նշված բոլորմ ասնագիտությունների ուսանողները հնարավորություն ունեն խորացված ուսումնասիրելու անգլերեն, ֆրանսերեն, գերմաներեն իսպաներեն (ներառվելու է սույն ուստարվանից) լեզուները։

Ավելացնեմ, որ հաշվի առնելով աշխատաշուկայի պահանջները և դիմորդների հետաքրքրվածության աստիճանը՝ հաջորդ տարի դիմելու ենք Դիզայն, Ապահովագրություն մասնագիտությունների համար։

Ի լրումն այս ամենի՝ նոր ուսումնական փուլից Եվրոպական քոլեջին կից գործելու է Երիտասարդ բիզնես դպրոցը՝ եռամսյա դասընթացով, որտեղ դասավանդելու են պրոֆեսիոնալ մասնագետներ։ Վերջինիս հանդեպ արդեն իսկ մեծ հետաքրքրություն կա, և համոզված ենք, որ ունենալու ենք բավականին մեծ թվով աշակերտներ։

-Անդրադառնանք կրթության բովանդակային հարցերին. ի՞նչ չափորոշիչներով է առաջնորդվում քոլեջը։

-Քոլեջի կրթական ծրագրերը լիովին համապատասխանում են թե՛ ՀՀ կրթության և գիտության նախարարության սահմանած չափորոշիչներին, թե՛ եվրոպական կրթական ծրագրերին: Քոլեջում մշտապես հետամուտ ենք, որ ուսանողներն ստանան եվրոպական կրթություն, որը ակնածելի և ընդունելի է ողջաշխարհում:

Եվրոպական չափորոշիչներին համապատասխան կրթությունը լավ ու հեռանկարային աշխատանքի թիվ 1 երաշխիքն է: Ելնելով արդի կրթական պահանջներից՝ Եվրոպական քոլեջում առաջնային կարևորություն է տրվում հատկապես օտար լեզուների և համակարգչային գիտելիքների խորացված ուսուցմանը: Հայտնի է, որ միջազգային լեզուներին լավագույնս տիրապետող, կիրթ ու գրագետ կադրերը մեծ պահանջարկ ունեն ողջ աշխարհում: Եվրոպական քոլեջը փորձում է համաքայլ ընթանալ համաշխարհային կրթական պահանջներին:

-Կցանկանայինք տեղեկանալ նաև Եվրոպական քոլեջի շրջանավարտների հետագա «ճակատագրի», ինչպես նաև ուսումնառության ընթացքում անցկացվող արտադրական, ուսումնական, նախաավարտական պրակտիկաների մասին։

-Յուրաքանչյուր մասնագիտություն ենթադրում է համապատասխան պրակտիկ կիրառում, ինչն ուսանողների գործնական հմտությունների ձևավորմանան շրջանցելի գրավականն է, ինչին և մենք պատշաճ ուշադրություն ենք դարձնում:

Այս բնագավառում ունենք բազմաթիվ գործընկերներ ինչպես Հայաստանում, այնպես էլ Եվրոպայում։ Նախ կցանկանայի նշել, որ մեր լավագույն շրջանավարտների պրակտիկան կազմակերպում ենք եվրոպական գործընկեր քոլեջներում, ինչպես նաև Հայաստանում հայտնի կազմակերպություններում։ Նշեմ նաև, որ Եվրոպական համալսարանի հետ նույնպես սերտորեն համագործակցում ենք, ինչի շրջանակում մեր ուսանողները, բացի պրակտիկայից, հնարավորություն ունեն օգտվելու էլեկտրոնային գրադարանից, իսկ «լավ» և «գերազանց» գնահատականներով ուսանողները հնարավորություն կունենան իրենց ուսումը շարունակելու Եվրոպական համալսարանի երկրորդ կուրսում։

Պրակտիկայի արդյունավետության բարձրացումը, ինչպես և միշտ, լինելու է մեր ուշադրության կենտրոնում, քանի որ առանց արդյունավետ պրակտիկայի չի կարող խոսք լինել ուսանողների գործնական որակների ձևավորման մասին։

Ինչ վերաբերում է շրջանավարտների՝ աշխատանքի անցնելուն, ասեմ, որ մեր շրջանավարտների զգալի մասը աշխատում է իր մասնագիտությամբ։

Այս տարի պրակտիկա անցած ուսանողների մի մասը հենց մեր գործընկեր կազմակերպությունից աշխատանքի առաջարկ ստացավ, և դա մեզ համար շատ կարևոր է։ Դախոսում է մեր ուսանողների բարձր ինտելեկտի և գիտելիքների մասին։

Շրջանավարտների մեծ մասը շարունակում է իր կրթությունը ինչպես Հայաստանում, այնպես էլ արտասահմանյան հայտնի բարձրագույն ուսումնական հաստատություններում։

-Եվրոպական քոլեջում դասախոսական ինչպիսի՞ կադրային ներուժ ունեք։

-Եվրոպական քոլեջը միշտ էլ աչքի է ընկել իր կադրային ներուժով․ մեզ մոտ դասավանդում են բարձրակարգ մասնագետներ ինչպես Հայաստանից, այնպես էլ՝ արտերկրից հրավիրված։Պատիվ ունեմ աշխատելու այնպիսի աշխատակազմի հետ, որի յուրաքանչյուր անդամ թե՛ մարդկային որակների, թե՛ գիտելիքի և փորձի առումով լավագույնն են։ Այդուհանդերձ, կադրերի բարձր առաջընթացը մշտական գործընթաց է և վերահսկվում է․ պարբերաբար իրականացվում են վերապատրաստումներ՝ միջազգային ծրագրերով, ինչպես նաև գիտաճանաչողական և այլ միջոցառումներ։

-Արդեն իսկ մեկնարկել է ընդունելությունը։Այս պահի դրությամբ ի՞նչ ցուցանիշներ են առկա։

-Այո՛, հուլիսի 1-ից տրվել է ընդունելության առաջին փուլի մեկնարկը։Հպարտությամբ պետք է նշեմ, որ այն դեռևս չի ավարտվել, սակայն այս պահին ունենք 200-ից ավելիդիմորդ։ Ունենք մեծ լսարանև բազմաթիվ հետևորդներ, որոնք հավաստում են մեր քոլեջի կրթական բարձր որակը և մակարդակը։

- Եվ ո՞ րն է, ըստ Ձեզ, մրցունակ լինելու գլխավոր չափանիշը:

-Մրցակցելու միակ և հիմնական չափանիշ կարող է լինել կրթության, ուսուցման որակը, քոլեջի` գիտելիք տալու, գործնական հմտություններ ձևավորելու կարողությունը` դրանցից բխող բոլոր պահանջներով: Մենք այս սկզբունքով ենք առաջնորդվում։