Պաշտոնյաների հայտարարությունները ճիշտ չեն` Սևանը չի մաքրվել. բնապահպան

Պաշտոնյաների հայտարարություններն այն մասին, թե Սևանա լճի ջուրն արդեն մաքրվել է, ճիշտ չեն: Այս մասին հանրային խորհրդի նիստում հայտարարեց բնապահպան Կարինե Դանիելյանը:

Նա նկատեց, որ դեռ փետրվարին Սևանա լճի հետ կապված,  իրենց հանձնաժողովը դիմել էր վարչապետին և խնդրել լրացուցիչ ջրառ չիրականացնել, քանի որ տատանումները բացասական են ազդում լճի վրա և կա սեյսմիկ ռիսկ: Բացի այդ, պետք է կարգի բերվեր նաև ոռոգման համակարգը, քանի որ ավելի շատ ջուր ենք կորցնում, քան Սևանից վերցնում ենք:

«Հաճախ ասում են, որ ծաղկումը կլիմայի փոփոխության արդյունք է. Իհարկե, ունի, բայց հիմնարար ազդեցությունն աղտոտվածությունն է, տարիների ընթացքում ջրի մակարդակն իջեցվում է, խախտված է լճի ողջ էկոհամակարգը։

Հատակի շերտի ջերմաստիճանն առնվազն պետք է լինի 4 աստիճան, որպեսզի նորմալ պրոցեսներ գնան։ Մենք հազվագյուտ տեղերում է, որ ունենք 4 աստիճան, մյուս տեղերում հիմնականում 1-3 աստիճան է, նշանակում է, որ լրիվ այլ է պրոցեսներ են գնում», -նկատեց բնապահպանը։

Կարինե Դանիելյանը որպես լխնդրի լուծման տարբերակ նկատեց, որ պետք է ավելացնել ձկնային պաշարները, որոնք սանիտարի դեր են կատարում։

Ինչ վերաբերվում է ջրի մաքրման հետ կապված հայտարարություններին, ապա ջուրրն իրականում մաքրված չէ:

«Պաշտոնյաների հայտարարությունները, օպտիմիզմը, որ ջուրն արդեն մաքրվել է, այդպես չէ, ուղղակի ծաղկման սեզոնն ավարտվել է, ջրիմուռներն իջել են հատակ, այնտեղ նեխման պրոցեսներ են գնում, ինչը վատ է լճի համար»:

Նա նշեց, որ իրենք երկու խոշոր ծրագիր են մշակել, ներկայացրել են կառավարությանն ու Ազգային ժողով, հույս ունի այս տարի կկարողանան իրականացնել։

ՀԽ անդամ բնապահպան Կարինե Դանիելյանն ասաց, որ