«Մենք դեռ չենք տեսնում, որ «Բարսելոնա»-ն իրոք ցանկանում է գնել Նեյմարին»․ Լեոնարդո

«ՊՍԺ»-ի սպորտային տնօրեն Լեոնարդոն գնահատել է Նեյմարի հավանական վերդարձը Կտալոնիա։ «Նեյմարը կարող է լքել փարիզյան ակումբը, եթե համաձայնության գա առաջարկ արած թիմի հետ։ Բայց այս պահին մենք չգիտենք, ինչ-որ մեկը ցանկանո՞ւմ է նրան գնել, թե՞ ոչ։ Պարզ է, որ այսպիսի գործերը մեկ օրում չեն արվում։

Հասկանալի է, որ Նեյմարը ցանկանում է գնալ, բայց ֆուտբոլում լինում է անպես, որ այսօր մարդը մի բան է ասում, հաջորդ օրը՝ մեկ այլ բան։Դա անհավանական է, բայց դա այդպես է։ Մենք շփվել ենք նրա գործակալի հետ և իրավիճակը բոլորիս հասկանալի է։ Բայց այս պահին հստակ է միայն մեկ բան, նա մեզ հետ կապված է 3-ամյա պայմանագրով, և ոչ մի առաջարկ մենք չենք ստացել։ Մեր ակումբին պետք են խաղացողներ, ովքեր իրոք ցանկանում են մնալ այստեղ, անել ինչ-որ մեծ բան ակումբի համար։

Մեզ պետք չեն այնպիսի մարդիկ, ովքեր մնալով ոչինչ չեն անում։ Նեյմարի ու կատալոնական ակումբի միջև ոչ պաշտոնական կապ եղել է։Նրանք ասել են, որ ցանկանում են գնել Նեյմարին, իսկ մենք պատասխանել ենք, որ չենք վաճառի։ Առաջարկ պետք է անի Բարտումեուն, և մենք դեռ չենք տեսնում, որ «Բարսելոնա»-ն իրոք ցանկանում է գնել Նեյմարին»։