Գեներալ Մանվելի սանիկը «գործ տալն» այդպես էլ «չթարգեց»

Միջազգային երկու խոշորագույն լրատվական կազմակերպությունների՝ SEEMO-ի և IPI-ի խորհուրդների անդամ, NEWSPRESS.am-ի հիմնադիր-տնօրեն Արիանա Հովսեփյանը ֆեյսբուքյան իր էջում գրել է․ 

«Կալանավորված գեներալ Մանվել Գրիգորյանի մեղադրյալ որդու սանուհին` նախկինում օվկիանոսից այն կողմ «թևերին անող» Գայանե Մանուկյանը, ով նաև, թող ներվի արտահայտությունս, «լրատվամիջոց» է խմբագրում, վերադարձել է Հայաստան ու առաջին հերթին շտապել ո՞ւր։ Ճիշտ է՝ «մարդկանց վրա» գրելու։ Այդ մարդկանց թվում պարզվեց նաև ես էի։

«Շունն ու կատուն» ստեղծագործության շան պես, Գայանեն չի մոռացել իր գլխին բերածս, իսկ ամեն ինչ սկսվեց հայտնի թալանչի ընտանիքից ու Գայանեի՝ կայքի միջոցով «վրա տալուց», երբ մինչ օրս էլ նրա գլխավոր լուրերից դուրս չեմ գալիս։ 

Մտածում է՝ ինչի՞ է հասնելու «քաղմասներում» ու ՔԿ-ում օրուգիշեր գրելուց։ Մտածում է՝ պիտի վախից սուտ ցուցմունքնե՞ր տամ մարդկանց դեմ, ում հետ, ասենք, բարեկամական բարև-բարի լույս ունեմ։ Չերազի անգամ։ Ես, ի տարբերություն իրեն, «գործ չեմ տվել» երբեք ու չեմ տալու, եթե անգամ դա կաշին փրկելու վերջին միջոցը լինի։ Ես, ի տարբերություն իրեն, չեմ ծախվել, հարուստ քավորներ չեմ «կպցրել»՝ ամբողջ կյանքում ապահոված լինելու հեռանկարով։ Մտածում է՝ պետք է լռեցնի՞։ Չհասկացա՞վ երկու տարում, որ ես չեմ հանդուրժում, երբ իմ ոտքը տրորում են և ես ավելի ցավոտ եմ տրորում։ 

Ինչ վերաբերում է ձիուց ընկած Մանվելին, ապա կալանավորումից հետո նրան հանգիստ եմ թողել, ոչ թե Գայանեի «ահից», այլ որովհետև ես ընկած եզի վրա հարձակվող ևս մեկ դանակավոր չեմ, ընկածին խփելն իմ սկզբունքներին դեմ է։ Նույն այդ պատճառով է, որ նախկին իշխանությանը վերից վար հանգիստ եմ թողել, որովհետև նրանք արդեն պատժված են ժողովրդի կողմից։ Ես նրանց քննադատել եմ դեռևս այն ժամանակ, երբ նրանց էր ամբողջ իշխանությունը՝ դատավորից մինչև վարչապետ, ոստիկանից մինչև նախագահ։ 

Բայց Գայանե Մանուկյանն իր այս «պիսիրությամբ», ստիպում է հիշել ու անդրադառնալ քավորական ընտանիքին, նրանց «քաջագործություններին» և ծանրացնել նրանց առաջադրված մեղադրանքները։ Եթե ես լինեի Գայանե Մանուկյանի նմանը, ապա քաղմասներում «կերգեի» Մանվելի ու իր շրջապատի անընդհատ սպառնալիքների, Հայաստանը լքելու զգուշացումների մասին, դեռևս այն ժամանակ, երբ ինքը գեներալ էր, իսկ ես այն քչերից, ով համարձակվում էր քննադատել նրան ու խոսել նրա բռնարարություննեի մասին։ 

Բայց Մանվելն արդեն պատժված է, որովհետև գայանեներով ու նազիկներով է շրջապատված։  

Իսկ Գայանեին խորհուրդ եմ տալիս, որ, ասենք, սպորտով զբաղվի, բացասական էներգետիկայից ազատվելու համար, որ մեջը վնասակար, եթե չասենք՝ թունավոր կուտակումներ չլինեն, որ Հայաստանում հայտնվելուց հետո առաջին քայլով չվազի «գրելու»։ Ինչ վերաբերում է գրելուն, ապա ես յուրաքանչյուրի հետ իր լեզվով եմ խոսում, թող չմտածի, թե գրեց ու անցավ։ Թող սպասի իր մասին «գրածներին», բայց ոչ թե Հայաստանում, այլ արդեն օվկիանոսից անդին․․․»։