«Երևանն անտերության է մատնված, իսկ անտերությունն ընտրել են այն մարդիկ, ովքեր աղբի նկարներն են տարածում»

Անաստասիա Սիմոնյանը ֆեյսբուքյան իր էջում գրել է.

«Արդեն բավականին երկար ժամանակ է, որ նյուսֆիդումս տեսնում եմ կատարյալ աղբանոցի վերածված Երևանի նկարները, որոնք խոսքերից առավել ապացուցում են, որ իմ սիրելի ծննդավայրն ուղղակի անտերության է մատնված: Սիրտս իհարկե ցավում է հարազատ քաղաքիս համար, բայց ի՞նչ անես, երբ այդ անտերությունը ընտրել են հենց այն մարդկանցից շատերը, որոնք այսօր տարածում են կուտակված ու չմաքրվող այդ աղբի նկարները:

Այո, հարգելիներս, այդ հենց դու՛ք էիք, որ գնացիք և ընտրեցիք բոլորիդ միայն իր անճաշակ և կասկածելի մշակույթ քարոզող դերերով հայտնի այդ դերասանին:

Այդ դու՛ք էիք, որ ինքներդ ձեզ հարց չտվեցիք, թե ի՞նչ է տալու կասկածելի ու անճաշակ դերեր կերտած այդ դերասանի ընտրությունը ձեզ ու մեր սիրելի քաղաքին, որով միշտ հպարտացել ենք, իսկ այսօր, այդ անճաշակ դերասանի պատճառով, ամաչում ենք՝ տեսնելով, թե ինչ անտերության է մատնվել մեր քաղաքը:

Այդ դու՛ք էիք, որ ուղեղները լվացած զոմբիների նման դիֆեռամբներ էիք ձոնում նույն այդ դերասանին՝ առանց վայրկյան իսկ մտածելու, թե ինչի կարող է բերել ակնհայտ դատարկության փառաբանումն ու միշտ դատարկաբանությամբ աչքի ընկածի ընտրությունը:

Երևանցիների շատ մեծ մասն էլ ընդհանրապես ընտրության չգնաց ու դրանով էլ ավելի նպաստեց, որ դատարկագլուխը դառնա Երևանի քաղաքագլուխ:

Եվ այսօր հենց այդ ամենի պատճառով է, որ ունեք այս պատկերն ու ձեզ արհամարող իշխանություններին: Հույսով եմ գոնե այսքանից հետո ուշքի կգաք և հենց այդ աղբի մեջ կնետեք դրանց բոլորին, կախտահանեք և կազատեք Երևանն ու ընդհանրապես ամբողջ Հայաստանը այդ կուտակված կենցաղային և գենետիկ աղբից:

Այդ մեծ ու կարևոր աղբահանության պրոցեսին մեծ հաճույքով կմիանամ նաև ես: Հույսով եմ, որ երկար սպասելու կարիք չի լինի»։