Գնա տաքսիդ քշիր. Հայկ Մարությանն իր մակարդակի խոսնակ է պահում

Երևանի ավագանու երեկվա նիստում քաղաքապետ Հայկ Մարությանը բանավոր առաջարկ էր արել, որ Երևանում առավելագույն արագությունը 60 կմ/ժ-ից իջեցվի 50 կմ/ժ-ի։ Առաջարկը լայնորեն քննարկվեց, եղան կողմ և դեմ կարծիքներ, գուցե նաև հնչեն մասնագիտական հիմնավորումներ և փաստարկներ ու կարգն այդպես սահմանվի:

Սակայն առաջարկի համն արդեն դուրս եկավ:

Սուպեր քաղաքապետ Հայկ Մարությանի խոսնակ Հակոբ Կարապետյանը, գոնե տարբեր իրավիճակներում փրկի շեֆի պատիվը, հակառակ էֆեկտով է աշխատում: Հարցի առնչությամբ հանրային կարծիք ձևավորելիս Հակոբ Կարապետյանն առաջնորդվել է «Սուպեր մամա» ֆիլմի հերոս Կարինեի բառամթերքով. «բազմապատիկ ավելի շատ խնչած ունեմ, թե արդյոք ինչ-որ անուս ու թեթևամիտ մարդիկ կարող են դժգոհ մնալ էդ որոշումից»: Սա Հակոբ Կարապետյանի գրառումից փոքրիկ հատված է: Եթե նախկինում նման արտահայտություններ լսելի էին գեներալ Մանվելից՝ «հետևին ձեռ կտամ» կամ Շմայսից՝ «փաթթած ունեմ», ապա հիմա այդ դիրքն ուզում է զբաղեցնել Հակոբ Կարապետյանը:

Ինչ իրական մակարդակ ունի Հայկ Մարությանը, նույնն էլ նրա մամուլի խոսնակն է, նրանցից ավել մակարդակ պետք չէ պահանջել, նրանք այսպիսին են, ոչինչ ավելին: Հակոբ Կարապետյանից մասնագիտական հմտություններ ակնկալելը նույն է, ինչ, օրինակ, Շմայսից ակնկալել վերլուծել Կանտի փիլիսոփայությունը: Իրականում, սա մեր վերին օղակներում տիրող ընդհանրական մակարդակն է՝ մեկ- երկու բացառություններով: Մնացյալը փաբերում իրար խառը լպստող մասսան է, որ պաշտոն է ստացել ու ղեկավարում է մեզ:

Տաքսու վարորդները թող մեզանից չնեղանան, բայց Հակոբ Կարապետյանին պետք է հետ ուղարկել իր նախկին աշխատանքին՝ գիշերային ժամերին GG վարելուն, ինչպես նա արել է շատ երկար ժամանակ, ապա միայն հեղափոխությունից հետո կարողացել սողոսկել իշխանական օղակներ:

Գնա-քշիր քո տաքսին, պատմիր, թե ինչեր ես արել մամուլի խոսակ եղած ժամանակներդ և ծայրահեղ հարգալից եղիր այն մարդկանց նկատմամբ, ովքեր համակարծիք չեն ձեզ հետ:

NEWSPRESS.am