Պետրոսյանը թափ տվեց այսօրվա հանգիստ ու հանդարտ քննարկումները. Արման Աբովյան (տեսանյութ)

ԱԺ «Իմ քայլը» խմբակցությունն այսօր կարծես փաստաբանի դեր էր ստանձնել ՍԴ դատավորի թեկնածու Վահե Գրիգորյանի համար: Այն բանից հետո, երբ «Բարգավաճ Հայաստան» խմբակցության պատգամավոր Գևորգ Պետրոսյանն իր հարցադրումներն ուղղեց ՍԴ դատավորի թեկնածուին, Վահե Գրիգորյանի փոխարեն այդ հարցերին պատասխանելու և, ըստ էության, նրան պաշտպանելու գործառույթն իրենց վրա վերցրեցին իմքայլականները:

Այնպես որ, Վահե Գրիգորյանն ընդամենը հանդիսատեսի կարգավիճակում էր: ԲՀԿ պատգամավոր Արման Աբովյանը, վարման կարգով ելույթի իր իրավունքով նկատեց, որ այնպիսի տպավորություն է, որ եթե Գևորգ Պետրոսյանը ելույթ չունենար, ապա ելույթների համար գրանցված պատգամավորների ցուցակը կկրճատվեր:

«Ես շատ ուրախ եմ, որ Պետրոսյանը թափ տվեց այսօրվա հանգիստ ու հանդարտ քննարկումները և բարձրաձայնեց այն հարցերը, որոնք բարձրաձայնվում էր հանրության կողմից»,- ասաց Աբովյանը՝ տեղեկացնելով, որ քանի որ Պետրոսյանն այս պահին դահլիճում չէ, ուստի ինքը կարձագանքի իմքայլականների ելույթներին:

Մանրամասները՝ տեսանյութում