Փաշինյանը կանաչ լույս վառեց ԼԳԲՏ-ի համար՝ նրանց շահերի պաշտպանին նշանակելով բարձր պաշտոնի

2014 թվականից Գլենդելի քաղաքապետի պաշտոնը զբաղեցնող Զարեհ Սինանյանն այսօր նշանակվեց սփյուռքի գործերով գլխավոր հանձնակատար։

Թեև Սինանյանի նշանակման մասին մամուլն արդեն տևական ժամանակ է, ինչ գրում է, սակայն մամուլի տեղեկությունները վերջնականապես հաստատվեցին միայն այսօր։

Արմատներով մշեցի Սինանյանն արդեն երկար ժամանակ է, ինչ ջերմ հարաբերություններ է հաստատել Փաշինյանի և նրա ընտանիքի հետ․ հիշեցնենք, որ նա նաև Գլենդելում էր կազմակերպել հավաքներ՝ Սերժ Սարգսյանի մերժման պահանջով, իսկ հեղափոխության օրերին էլ հասցրել է լինել Հայաստանում ու կանգնել Փաշինյանի կողքին՝ այդ գործընթացում։

Այսինքն՝ Փաշինյան-Սինանյան կապը եղել է դեռ ամենասկզբից։

Ինչ խոսք, Սինանյանը բավականին լավ կրթություն է ստացել, 1997 թվականին ավարտել է Լոս Անջելեսի Կալիֆորնիայի համալսարանը (UCLA), սովորել է քաղաքագիտության և պատմության բաժիններում, սովորել է Հարավային Կալիֆորնիայի համալսարանի իրավաբանական ֆակուլտետում, աշխատել է Վաշինգտոնի թանկարժեք պարտատոմսերի շուկան վերահսկող մարմնում, 2013 թվականի ապրիլին մասնակցել է Գլենդելի քաղաքային խորհրդի ընտրություններին և դարձել հայ քաղաքային խորհրդի Հայաստանում ծնված առաջին անդամը։ 2014 թվականի ապրիլին դարձել է Գլենդելի քաղաքապետ։

Անհերքելի է, որ Փաշինյանի կառավարության կազմում մատների վրա կարելի է հաշվել այն մարդկանց, ովքեր ունեն որակյալ կրթություն և աշխատանքային այնպիսի հարուստ փորձ, ինչպիսի Սինանյանը, սակայն, նրա կենսագրության մեջ կա մի բայց, որը մտահոգության տեղիք է տալիս մեզ՝ բոլորիս։

Պարզվում է՝ Զարեհ Սինանյանը ԼԳԲՏ համայնքի շահերի պաշտպանության համար արժանացել է մրցանակի։  

Սինանյանն այդ մրցանակին արժանացել է 2018 թվականին Equality Armenia-ի կողմից։

Այս կազմակերպությունը նպատակաուղղված հատուկ աշխատանք
է տանում՝ ԼԳԲՏ անձանց իրավունքները ՀՀ-ում պաշտպանելու, ինչի համար էր Սինանյանն արժանացել է մրցանակի:

Նշենք, որ Equality Armenia-ն շահույթ չհետապնդող կազմակերպություն է, որն ակտիվորեն աշխատում է, որպեսզի Հայաստանում թույլատրվեն միասեռականների ամուսնությունները:

Այս կազմակերպությունը ԼԳԲՏ անձանց համար Հայաստանում հավասար պայմաններ ապահովելու համար լծված է նաև մարզային ակտիվ աշխատանքի։

Փաստորեն, Սինանյանի նշանակումով, Հայաստանում կանաչ լույս է վառվում  միասեռականների համար՝ անձամբ Նիկոլ Փաշինյանի ձեռամբ։

NEWSPRESS.am