Արտակարգ դեպք Երևանում. զինված տղամարդը մտել է «Հայբիզնեսբանկի» Նոր Նորքի մասնաճյուղ. հնչել է կրակոց. Shamshyan.com

Shamshyan.com-ը գրել է.

Այսօր՝ հունիսի 10-ին, զինված ավազակային հարձակում է տեղի ունեցել Երևանում: 

Ժամը 16:50-ի սահմաններում զինված անձը ներս է մտել Նոր Նորք վարչական շրջանի «Հայբիզնեսբանկ»-ի «Նոր Նորք» մասնաճյուղ, որը գտնվում է Թոթովենցի 2-րդ նրբանցքում և ներսում փորձել է ինչ-որ գործողություններ կատարել:

Բանկի ներսում ծառայություն կատարող ոստիկանության պետական պահպանության գլխավոր վարչության Նոր Նորքի պահպանության բաժնի ոստիկան Հայկազ Մալյանը՝ մոտենալով զինված տղամարդուն, փորձել է կանխել նրա տեղաշարժը բանկում: 

Զինված տղամարդը հարձակվել է ոստիկանության ծառայողի վրա, տեղի է ունեցել քաշքշուկ, որի ժամանակ էլ հնչել է կրակոց:

Այնուամենայնիվ ոստիկանության և բանկի աշխատակիցներին հաջողվել է վնասազերծել զինված տղամարդուն, ով զենքով հանդերձ ոստիկանության պահպանության գլխավոր վարչության աշխատակիցների և ոստիկանության Նոր Նորքի բաժնի ծառայողների ուղեկցությամբ բերման է ենթարկվել ոստիկանության Նոր Նորքի բաժին:

Փաստի առթիվ քննչական բաժնում նյութեր են նախապատրաստվում:

Կրակոցի արդյունքում վնասվել է առաստաղը:

Նյութն ամբողջությամբ՝ սկզբնաղբյուր կայքում: