Փաշինյա՛ն, վախից սպանում եք Մանվել Գրիգորյանին

Երբ այսօրվա կալանավոր Մանվել Գրիգորյանը ԳԵՆԵՐԱԼ ՄԱՆՎԵԼ ԳՐԻԳՈՐՅԱՆ էր, ու այսօրվա իշխանականներն այն ժամանակ խուսափում էին նրա անունն անգամ բարձրաձայնել, վախենում էին, որ Մանվելը կգա ու «հետևներին ձեռ կտա», ես էի այն միակ մարդը, ով բարձրաձայնում էր Մանվել Գրիգորյանի անօրինականություների մասին և իրական ԴՈՒԽՈՎ մարդը ես էի, ոչ թե Նիկոլ Փաշինյանը, ով շատ պրոֆեսիոնալ կերպով շրջանցում էր գեներալներին վերաբերող խնդիրների բարձրաձայնումը: Ես խոսում էի նրա մասին այն ժամանակ, երբ ինքը ձիու վրա էր, ոչ թե ճաղերի հետևում:

Ես լռեցի միայն այն ժամանակ, երբ Մանվել Գրիգորյանին ձերբակալեցին, որովհետև ես ազնիվ էի իմ մղումներում, ոչ թե պատվեր էի կատարում: Ես շատ արագ հասկացա՝ Մանվելին կարելի է մեղադրել հողեր զավթելու, փողեր լվանալու, տարբեր անօրինականությունների, բայց ոչ երբեք տուշոնկա գողանալու մեջ: Մանվել Գիրգորյանը տուշոնկա գողացող չէ, միգուցե դա Նիկոլի ու իր ուժայինների սարքած գո՞րծն էր, որպեսզի հնարավորինս հեղինակազրկեին նրան, որովհետև վրեժն ու խանդը կուրացրել էր Նիկոլ Փաշինյանին, նա պետք է կատարեր Լևոն Տեր Պետրոսյանի հրահանգը՝ ոչնչացնել Մանվելին, ու նա այդպես էլ անում է: Հակառակ դեպքում, ապացուցեցի՞ք տուշոնկայի գողությունը, փաստեցի՞ք այդ հանգամանքը:

Հասկանալի է՝ Նիկոլն այսօր մի խնդիր է լուծում. Մանվել Գրիգորյանը Մարտի 1-ի մասին չպե՛տք է խոսի, նա իր իմացածը չպե՛տք է հայտարարի, այլապես ինքն ու իր քաղաքական հայրը՝ Մարտի 1-ի իրական մեղավորները, հանրության առաջ պատասխան կտան, ժողովուրդը կլարի նրանց իշխանությունից:

Ինչու եմ ասում իրական մեղավորները դուք եք, քանի որ դո՛ւք էիք մարդկանց ոտքի հանում, դո՛ւք էիք հրահրում, դո՛ւք էիք տարատեսակ կոչերով դիմում մարդկանց և վերջում դո՛ւք փախաք՝ փրկելով ձեր կաշիները:

Միայն թե, Մանվելը չխոսի և հնարավորինս հեղինակազրկվի, սա՛ է Ձեր ուզածը:

Մարդը մի քանի տասնյակ հիվանդություն ունի, կյանքին իրական վտանգ է սպառնում, նրա անմեղության կանխավարկածը ամենաբարձր մակարդակով ոտնահարվել է, իսկ ո՞ւր են սորոսական իրավապաշտպանները, ո՞ւր են սաքունցներն ու ավետիքիշխանյանները: Դուք սպանում եք Մանվել Գրիգորյանին և անամոթաբար լռում, բայց ասեմ՝ նրա մահը Ձեզ վրա թանկ է նստելու, նա որդիներ ունի, ովքեր դա Ձեզ չեն ների, կա գիտակից հանրություն, որը կհասկանա՝ Ձեր անձնական շահի համար մարդ սպանեցիք բանտում՝ առանձնակի դաժանությամբ, նրա մահը Ձեզ ոչ ոք չի ների, և մի՛ մոռացեք՝ թուրքը վախենում էր նրանից: 

NEWSPRESS.am -ի հիմնադիր-տնօրեն՝

 Արմենուհի (Արիանա) Հովսեփյան