Գրավադրված տնե՞րն են պատճառը, պարտատերերը չե՞ն ներում

Տարիներ առաջ միլիոնների պարտք կուտակած և դրանց պատճառով հայրենի եզերքից հեռացած, այնուհետև վերադարձած Սամվել Բաբայանը հերթական անգամ հայտնվել է ԶԼՄ-ների ուշադրության կենտրոնում:

Այս անգամ Բաբայանի գրասենյակը տարածել է հայտարարություն այն մասին, որ Բաբայանի աջակիցների ուղղությամբ կրակոցներ են հնչել, և սլաքներն ուղղել են Արցախի նախկին վարչապետ Արայիկ Հարությունյանի ուղղությամբ, որն արդեն հայտարարել է 2020 թվականին Արցախում կայանալիք նախագահական ընտրություններին մասնակցելու մասին:

Իհա՛րկե, Սամվել Բաբայանի գրասենյակը նման սկանդալային հայտարարություն տարածելիս մանրամասների մեջ չի խորացել և չի գրել այն մասին, որ հնչած կրակոցների պատճառը գուցե Բաբայանի կուտակած պարտքերն են:

Հիշեցնենք, որ դեռ տարիներ առաջ Սամվել Բաբայանը իրեն պատկանող պարարտանյութ ներկրող ընկերության հետ կապված ունեցավ խոշոր ֆինանասական խնդիրներ:

Խոսքը «Քարդան սիստեմ» ՍՊԸ-ի մասին է, որը Հայաստան էր ներկրում մեծ քանակությամբ պարարտանյութ: Բաբայանը մեծ գործարք իրականացնելու համար մի քանի անշարժ գույք էր գրավ դրել բանկերից մեկում՝ իր Նալբանդյան-Թումանյան փողոցների խաչմերուկում գտնվող տունը, Կասկադի վերջում գտնվող առանձնատունը, զոքանչի տունը, Երևանի նախկին քաղաքապետ Ալբերտ Բազեյանի հայրական տունը, Սահմանադրական դատարանի անդամ Կիմ Բալայանի տունը:

Բաբայանը, սակայն, չէր կարողացել բանկի գումարները մարել, ինչ հետևանքով էլ լքել էր Հայաստանը, իսկ Կիմ Բալայանն ու Ալբերտ Բազեյանն իրենց բնակարաններից չէին զրկվել բացառապես Սերժ Սարգսյանի շնորհիվ: 

Հիմա Բաբայան Սամվելը վերադարձել է Հայաստան ու մեծ քաղաքականություն մտնելու հայտ ներկայացրել, իսկ պարտքատերերը հիշել են պարտքերն ու փորձել խնդիրը լուծել կրակոցներով:

Հետևաբար, նվազագույնն, ինչ պետք է աներ այս պարագայում Սամվել Բաբայանը, սեփական անձնական խնդիրներին քաղաքական աստառ չտալն էր, սակայն տեղի ունեցավ ճիշտ հակառակը:

Կատարվածի մասին մամուլին իմաց տալը անեհեռատես կամ չմտածված քայլ էր, որը, բնականաբար, բացասաբար կազդի քաղաքական մեծ նկրտումներ ունեցող Բաբայանի իմիջի վրա: Այս պարագայում ճիշտը լռելն ու խորհելն էր. Գուցե պարտատերերը չե՞ն ներել:

NEWSPRESS.am