Տագնապի ազդանշաններ՝ Բաքվից ու Նուր-Սուլթանից
Ադրբեջանական մամուլում բավական մեծ աղմուկ է բարձրացել։
Ըստ ադրբեջանական ԶԼՄ-ների հրապարակումների, ղազախստանյան ազգային բանկը վաճառել է իր տիրապետած ադրբեջանական պետական արժեթղթերը, որոնք եղել են այդ երկրի կենսաթոշակային միասնական կուտակային համակարգի ներդրումային պորտֆելում։
Ընդհանուր առմամբ, վաճառվել է 200 ԱՄՆ դոլարին համարժեք արժեթուղթ։ Այդ արժեթղթերը Նուրսուլթանը ստացել է Ադրբեջանի Միջազգային բանկի արժեթղթերի դիմաց։ 2014 թվականի դրությամբ՝ ադրբեջանական ներդրումային պորտֆելը ղազախստանյան հիմնադրամի կողմից կազմել է 250 միլիոն դոլար։ Որքան էլ Բաքվում հարցը փորձում են այս գործարքը ներկայացնել զուտ բիզնեսի տեսակետից, այդուհանդերձ, հաշվի առնելով Բաքու-Նուր-Սուլթան հարաբերությունների մակարդակը, որը եղել է առաջին նախագահ Նուրսուլթան Նազարբաևի օրոք, այն հնարավոր չէ առանց քաղաքական ենթատեքստի մեկնաբանել։
Հիշենք, որ Նազարբաևը այն քաղաքական գործիչն էր, որը հանուն Բաքվի՝ տարիներ առաջ խոչընդոտներ ստեղծեց Հայաստանի համար՝ Եվրասիական տնտեսական միությանն անդամակցելու ճանապարհին։ Ուստի, հիմա հարց է առաջանում, թե ինչի՞ց են տագնապած Նուրսուլթանում, որ որոշել են ազատվել ադրբեջանական արժեթղթերից։ Սա կարող է լինել մի քանի պատճառով։ Առաջին դեպքում, Ադրբեջանում սպասվում է ֆինանսա-տնտեսական լրջագույն կրախ և ղազախստանյան կողմն ունի որոշակի տվյալներ ու որոշել է ձեռքերը լվանալ։ Երկրորդ դեպքում, ղազախստանյան վերնախավում արտաքին քաղաքականության կորեկցիա է իրականացվում, և այլևս չենք կարող խոսել Բաքու-Նուրսուլթան տանդեմի մասին և երրորդ տարբերակում՝ Նուրսուլթանում տեղյակ են, որ հնարավոր է՝ Ադրբեջանը ներքաշվի ռազմական գործողությունների մեջ և ամեն պարագայում ապահովագրում են իրենց կապիտալը՝ ռիսկային գոտուց դուրս գալով։ Ի դեպ, վերջին շրջանում ադրբեջանական մամուլում կրկին հրապարակումներ էին հայտնվել, որ ռուսական նավթային ընկերությունները դուրս են գալիս Ադրբեջանից և տեղափոխվում Ղազախստան։ Ավելի վաղ ադրբեջանական նավթային բիզնեսից դուրս էին եկել ամերիկյան ընկերությունները և հիմա միայն բրիտանական BP-ն է, որ հետաքրքրված է Բաքվի նավթով ու գազով։
Որքան էլ չուզենք, խոշոր ընկերությունների կամ վերազգային կորպորացիաների վարքագիծը ակամա կարող է հանգեցնել այն մտքին, որ Ղարաբաղում հնարավոր են սրացումներ։
Էրեբունիում հայրը փորձել է բռնաբարել դստերը. «Հրապարակ»
Դալար գյուղում ոստիկանը վրաերթի է ենթարկել կնոջն ու նրա 6-ամյա որդուն և դիմել փախուստի. գործը փորձու...
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Շոու-բիզնեսով զբաղվողի ու իրական արտիստի սահմանը. արժեքներ, որոնք փողով չեն չափում
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Մահացել է Մակրոնի կնոջը տղամարդ անվանած լրագրողուհին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
Հայաստանի անկախությունը՝ Ադրբեջանի դրոշի գույների ներքո․ պատահականությո՞ւն, թե՞ քաղաքական ուղերձ (տե...
