Զարուհին պահանջում է վիրահատական միջամտությունը սկսել մարդասպան Մհեր Ենոքյանից

Մարդասպանության համար մահապատժի դատապարտված, ապա ցմահ պատժատեսակը ստացած Մհեր Ենոքյանի ազատ արձակման հարցը կրկին օրակարգ է նետվել:

Այս անգամ Ենոքյանն ու իր սիրելի կինը՝ ՊՎԾ այլևս նախկին խոսնակ Զարուհի Մեջլումյանը 5000 հոգու ստորագրություն են հավաքել ու դիմում–խնդրանք ուղղել վարչապետ Փաշինյանին՝ Ենոքյանի ներման կամ ազատ արձակման ակնկալիքով: 

Ամիսներ առաջ ևս Զարուհի Մեջլումյանը բարձրացրեց սիրելի տղամարդու ներման հարցը:

Փաշինյանը Ենոքայնին ներում չշնորհեց բացառապես հանրային լայն ճնշման ու սպառնալիքի տակ չհայտնվելու և իր վարկանիշը չկորցնելու պատճառով, իսկ հիմա, երբ խոսում է արդար դատաքննության մասին ու հայտարարում, որ եկել է դատական համակարգում վիրահատական միջամտություններ անելու ժամանակը, Զարուհի Մեջլումյանը պահանջում է այդ վիրահատությունը սկսել մարդասպան Ենոքյանից և  նրան ազատ արձակել բանտային ճաղերից:

Որպես սիրող կին, Զարուհին անում է ձեռքից եկածն իր տղամարդուն իր կողքին զգալու համար, ինչը, գուցե, ընկալելի լինի հասարակության որոշ հատվածի համար, բայց դաժանությամբ սեփական համակուրսեցուն սպանելու արդյունքում արևի լույսից զրկվածին նույն այդ լույսը պարգևելու հրամայականն անհասականլի է հասարակության գիտակից հատվածի համար:

Որքան էլ ասվածը ցավալի լինի սիրող կնոջ համար, միևնույնն է, չի կարող մեկին այդ արևի լույսից զրկածը այսօր հասարակության աչքի առաջ ներկայացվի որպես զոհ՝ անարդար դատաքննության:

Մհեր Ենոքյանը դաժանաբար կյանք է խլել և հիմա հպարտորեն ասել, որ սովորել է իրավագիտություն՝ դարձել իրավագիտակից քաղաքացի, ուստի ժամն է իր ազատության՝ մեղմ ասած՝ անբարոյական է:

Այս խնդրին նաև պետք է նայել մեդալի հակաառակ կողմից. ի՞նչ նախադեպ կարող է դառնալ մարդասպանի ազատ արձակումը կամ վատագույն դեպքում՝ ներում շնորհելը:
Այն կստեղծի հիմք բանտերում ցմահների ցանցային պայքարի և Ենոքյանի օրինակին հասնելու համար:

Ուստի Ենոքյանի հարցը դառնալու է անկյունաքարային փորձություն դատարաիրավական համակարգը վերից վար փոխելու կոչերով հանդես եկող իշխանության համար:

NEWSPRESS.am