Փաշինյանի հավաքած 1100-ն ու մերժվածների բազմամարդ հավաքը. հետհաշվարկ

Այսօր Ազատության հրապարակում «Լրջացեք հանուն Երկրի» կարգախոսով` Հայ Հեղափոխական Դաշնակցությունը հանրահավաք անցկացրեց: 

Սա իշխանությունից հեռանալուց ի վեր Դաշնակցության ամեանամարդաշատ հանահավաքն էր:

Փաստորեն, հեղափոխությունից մեկ տարի անց մերժված իշխանությունը կարողանում է բազմամարդ հանրահավաք անցկացնել, ինչը պետք է լրջագույն խնդիրների առաջ կանգնեցնի թավշյա իշխանությանը:

Թեև Փաշինյանի հոգեզավակ Ալեն Սիմոնյանը երեկ հայտարարում էր, որ Փաշինյանը երբ ուզի, կրկին հրապարակ կլցնի, սակայն խոսքից գործին անցնելու պարագայում, մենք հիշում ենք մայիսի 20-ին Փաշինյանի հրահանգով դատարանների մուտքերն ու ելքերը արգելափակողների քանակը՝ ընդամենը 1100 հոգի՝ այն պարագայում, երբ այս դատարանների մուտքերն արգելափակելու հրահանգը տրվել էր մի մարդու կողմից, ում ձեռնքում է կենտրոնացած ողջ օրենսդիր և գործադիր իշխանությունը:

Այո՛, գուցե Փաշինայնը նեղսրտելով Դաշնակցության այսօրվա բազմամարդ հանրահավաքից, որոշի վաղը ֆեյսբուքյան լայվով իր ուժերը փորձել ու ժողովրդին հանել պատասխան հանրահավաքի:

Իհարկե, սպասելի է, որ երկրի իշխանության գրեթե բոլոր ճյուղերն իր ձեռքում պահող քաղաքական ուժը այդ իշխանական լծակների գործադրմամբ, մարզպետներն էլ ավտոբուսներով մայրաքաղաք մարդիկ ուղարկելու իրենց առաքելությամբ, կկարողանան մի փոքր ավելի շատ քանակ ապահովել, սակայն հանուն արդարության պետք է նշել, որ այսօրվա բազմամարդ հանրահավաքը կազմակերպել էր իշխանութոյւնից հեռացված ուժը՝ չունենալով ձեռքում որևէ իշխանական լծակ:

Եթե այս ուժը կարողանում է այսօր Ազատության հրապարկում ապահովել այսքան մարդու ներկայություն, նշանակում է՝ վաղը կկարողանա ապահովել դրա կրկնակին ու եռակին:

Թավշյա իշխանությունն այսօրվա հանրահավաքի հետքերով պետք է անի եզրահանգումներ ու գծի ճանապարհային նոր քարտեզ՝ օր օրի նվազող իր վարկանիշը փրկելու և համաժողովրդական նոր ընդվզման ալիք չբարձրացնելու համար:

Դաշնակցությունն այդ ալիքի մեկնարկն արդեն տվեց այսօր դեղին քարտով, իսկ ՀՀԿ ԳՄ նիստում Սերժ Սարգսյանի վճռականությունը, որ սահմանադրականության սպառնալիքի դեպքում քաղաքական պայքարը շարունակելու են՝ կարող է սկիզբ դնել նոր իշխանափոխության:

Եվ չի բացառվում, որ իշխանափոխության անցումն արագացնի այլևս քաղաքական կարևոր դերակատար Ռոբերտ Քոչարյանը:

NEWSPRESS.am