Ինչու էին փորձում կանխել Քոչարյանի դեմ ցուցմունք տված ու Փաշինյանի խորհրդական դարձած Կարապետյանի ցուցմունքի հրապարակումը
2008 թվականի մարտի 1-ի իրադարձությունների ժամանակ սահմանադրական կարգի տապալման մեջ մեղադրվող Ռոբերտ Քոչարյանի դեմ ցուցմունք տալու և բացառապես դրա շնորհիվ վարչապետ Փաշինյանի խորհրդական նշանակված Արշակ Կարապետյանի ցուցմունքից որոշակի հատվածներ այսօր դատարանում ներկայացրեց պաշտպան Հայկ Ալումյանը։
Հիշեցնենք, որ Արշակ Կարապետյանը 2016 թվականին եղել է ՀՀ զինված ուժերի գլխավոր շտաբի հետախուզության վարչության պետը և այդ պաշտոնից անմիջապես ապրիլյան պատերազմից հետո ազատ արձակվեց՝ աշխատանքում թերանալու համար։
Քոչարյանի պաշտպան Հայկ Ալումյանը հայտնեց, որ քանի որ հենց Կարապետյանի ցուցմունքն է որպես հիմնավոր կասկած ներկայացվել դատարանին, ուստի ստիպված է մանրամասներ ներկայացել։
Կարապետյանն ասել էր, իր հիշելով հենց այդ խորհրդակցության ժամանակ, իր հիշելով, Ռոբերտ Քոչարյանն ասել է, թե այսօրվանից ժամը 00։00-ից հայտարարում եմ արտակարգ դրություն, սակայն Կարապետյանի այդ ցուցմունքը Սերժ Սարգսյանը հերքել է։
Դատախազին դուր չեկավ Ալումյանի մեջբերումն, ինչից հետո նա հետաքրքվեց, թե ինչո՞ւ է այսօր դատարանում ներկայացվում հերքված ցուցմունք։
Ռոբերտ Քոչարյանն էլ շտապեց արձագանքել, որ իրենք այստեղ ստիպված են լրացնել այն բացը, որը թույլ է տվել նախաքննության ընթացքում քննչական մարմինների կողմից։
«Սրանք ցուցմունքներից մեջբերումներ են, քանի որ յուրաքանչյուր ցուցմունք մի քանի տասնյակ էջ է կազմում։ Սա մեջբերում է, եթե դուք մեջբերում ասելով հասկանում եք մեկ նախադասություն, ապա այդպես հնարավոր չէ արտահայտել ասելիքը»,- ասաց Քոչարյանը։
Դատախազները կրկին առարկեցին, որ Ալումյանը մանրամասն հրապարակի Արշակյանի ցուցմունքները, իսկ դատավոր Գրիգորյանն էլ Ալումյանին հորդորեց, հաշվի առնելով սեղմ ժամկետը, մանրամասների մեջ չխորանալ։
Ակնհայտորեն և՛ դատավորը, և՛ դատախազները լարված էին Արշակ Կարապետյանի՝ ընդդեմ Քոչարյանի ցուցմունքների հրապարակման ժամանակ, ակնհայտ էր նաև, որ փորձ էր արվում Ալումյանին ամեն վայրկյան խոչընդոտել իր պաշտպանյալի դեմ տրված ցուցմունքը մանրամասն ներկայացնելիս, ինչը կարող էր բացել շատ փակագծեր՝ որպես Քոչարյանին առաջադրված մեղադրանքի հիմնավոր կասկած։
Ալումյանն, իհարկե, դատարանում հայտնեց, որ ժամանակին նախաքննական մարմինների կողմից թույլ տրված բացթողումները քողարկվել են՝ դրանք համարելով նախաքննական գաղտնիք։ Սակայն դատավորի և դատախազների այսօրվա վարքագծից պարզ էր դառնում, որ այսօր ևս փորձ էր արվում այդ նախաքննական գաղտնիքի անվան տակ՝ չբացել Արշակ Կարապետյանի ցուցմունքի բուն բովանդակությունը։
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
