«Fu*k you Leo Messi». ինչո՞ւ պարտվեց «Բարսելոնա»-ն

Վերնագրում նշված մեկնաբանությունը Լեոնել Մեսսիi մասին՝ ամենամեղմն էր, որ կարելի էր տեսնել կատալոնական ակումբի երկրպագուների մեկնաբանություններում, որոնք հանդիպում ենք համացանցում, ակումբի պաշտոնական էջերում: Երկրպագուների մի մասը մեղադրում է Մեսիին, մի մասը Վալվերդեին, իսկ մյուս մասը՝ թիմին:

Եթե ռեալ նայենք, ապա 2 խաղերում էլ Կլոպի սաները չեզոքացրեցին Մեսսիին ու նա չկարողացավ այդպես էլ խաղադաշտում անել այն, ինչ ուզում է: Ու արդյունքում, այն տեսակետը, որ Վալվերդեի «Բարսելոնա»-ն թիմ է, որ բաղկացած է միայն Լեոնել Մեսսիից, դարձավ իրական: Եվ երեկ տեսանք, որ Մեսսին փակ էր, և արդյունքում թիմը առջևում չկարողացավ ոչինչ անել: Երբ Մեսսին խաղադաշտում քայլում է, և հետո հաղթում մի ամբողջ հանդիպում, նրան պետք է գովել, սակայն երբ նա քայլում է, և թիմը պարտվում է, նրան պետք է քննադատել: Եվ այս դեպքում արդարացի է կատալոնական ակումբի երկրպագուների բողոքները, ովքեր նշում են, որ Մեսսին ոչ առջևում էր կարողանում ինչ-որ բան անել, ոչ էլ պաշտպանությունում:

Լուիս Սուարեսը հերթական անգամ ցույց տվեց իր կեղտոտ խաղը: Նա ֆուտբոլ խաղալու փոխարեն սադրում էր իր նախկին թիմակիցներին, փորձում քարտեր կորզել և լարվածություն մտցնել, սակայն Կլոպի տղաները դիմացան այդ սադրանքներին և եկավ անգամ մի պահ, որ մրցավարը նույնիսկ չէր էլ նայում խաղադաշտի այն հատվածին, որտեղ Սուարեսին գցում էին: Վալվերդեն դուրս էր բերել դաշտ լավագույն կազմը, ընտրել էր լավագույն սխեման և տեսականորեն մարզիչը այլ բան չէր էլ կարող անել, սակայն այդ երեկո կատալոնացիներն ուղղակի քնել էին:

Եվ դիպուկ են երկրպագուների այն խոսքերը, ովքեր թիմին նմանեցնում են երեխաների: Սակայն թիմի առաջին սխալը վստահությունն էր ու թերագնահատումը: Նրանք գիտեին, որ չեն խաղալու Սալահն ու Ֆիրմինոն, իսկ առաջին րոպեներից երբ տեսան, որ Սադիո Մանեն խաղն է կազմակերպում, հավատացին, որ Կլոպի տղաները գոլ չեն խփի, սակայն այստեղ նրանց լռեցրեց Կլոպն՝ իր հանճարեղ փոփոխություններով: Վալվերդեի սաները պարտվեցին, քանի որ վստահ էին, որ հաջորդ փուլում են, քանի որ թերագնահատեցին անգլիական ակումբին, քանի որ թույլ էին և այս թիմը բաղկացած էր մեկ մարդուց՝ Մեսսից, ում երեկ ուղղակի չեզոքացրել էին անգլիական ակումբի պաշտպանները:

Երբ տարիներ առաջ Յուրգեն Կլոպը հրաժեշտ տվեց Դորտմունդի «Բորուսիա»-ին, նա նշեց, որ կգլխավորի այն ակումբը, որն ունի խելագար երկրպագուների բանակ: «Լիվերպուլ»-ն այդ ակումբն էր, և երեկ Կլոպի խոսքերն ապացուցեցին մարզադաշտում երգող երկրպագուները, ովքեր ամբողջ 90 րոպե կռվեցին, պայքարեցին թիմի հետ: Իսկ տեսականորեն, Կլոպը ոչ մի հրաշք էլ չէր գործել խաղից առաջ՝ մարզումներում. նա պարզապես ասել էր, որ կռվեն և կհաղթեն: Իսկ այդ տղաները կռվեցին: 

Պետք է վստահ լինել, որ 2005 թվականի՝ «Լիվերպուլ»-ի կողմից «Միլան»-ի նկատմամբ քամբեքից հետո սա 21-րդ դարի ֆուտբոլի կերտվող պատմության ամենափառահեղ հաղթանակներից մեկն է:

NEWSPRESSsport