Զղջալու ենք...

Մենուա Հարությունյանն իր ֆեյսբուքյան էջում գրել է.

«ԱՄՆ-ում սեփական պետության նախագահի ինստիտուտը մեծարելու նպատակով միլիարդավոր դոլարներ են ծախսվել՝ գեղարվեստական ֆիլմեր նկարելու վրա, որոնցում Նահանգների նախագահը ներկայանում է հերոսի կերպարով, ավելին՝ շատ ֆիլմերում նախագահից զատ մեծարվում ա նաև նախագահի թիկնապահը, այլ պետական պաշտոնյաններ, որպեսզի և՛ ԱՄՆ-ի քաղաքացիների շրջանում, և՛ ԱՄՆ-ի սահմաններից դուրս մարդիկ հարգանքով լցվեն Նահանգների նախագահի կերպարի նկատմամբ:

Ավելին՝ Նահանգներն իրենց արժույթի՝ դոլարի վրա պատկերում են բացառապես իրենց նախագահների պատկերները, այլ՝ ոչ գիտնականների,գրողների կամ նկարիչների, որպեսզի ներշնչեն իրենց քաղաքացիներին, որ պետությունը դա նախագահի ինստիտուտն է , բայց վստահ եմ, որ ԱՄՆ-ի ցանկացած նախկին նախագահի վրա մեծ ցանկության դեպքում կարելի է մի հիմնավոր կեղտ գտնել և դատել այդ նախագահին, բայց ԱՄՆ երբեք կասկածի տակ չի դնում իր նախագահների «անբասիր» վարկը, իմիջը...

Մենք՝ Հայաստանի քաղաքացիներս հանգիստ հետևում ենք ինչպես է իշխանությունը սահմանադրական կարգը տապալելով զավթած Նիկոլը, անձնական վենդետա իրականացնելով նախագահ Քոչարյանի նկատմամբ, վարկաբեկում Հայաստանի նախագահի ինստիտուտը և ապագայում մենք՝ որպես հասարակություն զղջալու ենք , որ թույլ ենք տվել Նիկոլի պես մեկին՝ վարկաբեկելու մեր պետության ղեկավարի ինստիտուտը...

Վստահ եմ ժամանակին Քոչարյանը Հայաստանի նախագահի ինստիտուտը չվարկաբեկելու համար թույլ չտվեց, որպեսզի 96 թվականին Տեր-Պետրոսյանի կողմից ուժով իշխանությունը պահելու համար առաջին նախագահի նկատմամբ սահմանադրական կարգը տապալելով իշխանությունը բռնազավթելու հարցով մեղադրանք առաջադրվի՝ ունենալով հստակ մտածողություն, որ չի կարելի վարկաբեկել նախագահի, այն էլ՝ Հայաստանի առաջին նախագաահի կերպարը, բայց այսօր Տեր -Պետրոսյանը լուռ ու մունջ, միգուցե նաև հրճվանքով հետևում է ինչպես է իր քաղաքական ժառանգ Նիկոլը վարկաբեկում նախագահի ինստիտուտը...

Ամուր պետություն ունենալու համար մեզ պետք է պետական մտածողություն և պետական կայացած ինստիտուտներ...»: