Պոտենցիալ մեկ կողմ քվե մարիխուանայի օրինականացմանը՝ «Իմ քայլից»

Տրանսգենդերի խայտառակությունը դեռ չմարսած՝ հայ ժողովուրդը կանգնեց հերթական անոմալ երևույթի առաջ․ պարզվում է՝ մինչ ողջ աշխարհը պատրաստվում էր տոնել Սուրբ Զատիկն ու ապաշխարել մեղքերից, որոշ երիտասարդներ Օպերայի հարակից տարածքում որոշել էին մարիխուանայի օրը նշել։

Ծխած մարիխուանայի հետևանքով ուղեղները չորացրած մի խումբ երիտասարդներ պաստառներ էին պարզել ու որոշել մի հատ էլ այս խայտառակությունը մեր երկրի վզին փաթաթել, ինչին հասարակության սթափ հատվածի բացասական արձագանքը չուշացավ։ 

Երկրում բարձիթողի վիճակը հասել է այն աստիճանի, որ մարիխունայի օրը Հայաստանում նշելու ակցիան կազմակերպողը դառնում է ոչ ավել, ոչ պակաս Ազգային ժողովի պատգամավորի եղբայրը։

Խոսքը փաստաբանությունից դեպի խորհրդարան մեծ լոնք արած պատգամավոր Նիկոլայ Բաղդասարյանի մասին է։

Ստացվում է՝ մարիխուանայի սիրահար, ակցիա անող երիտասարդը՝ հանձին եղբոր, Ազգային ժողովում կունենա մեկ կողմ քվեարկություն այն ժամանակ, երբ Տիգրան Ավինյանի բարձր հովանու ներքո մարիխուանան օրինականացնելու մասին օրենքի նախագիծը կհասնի խորհրդարան։

Իմքայլական պատգամավոր Նիկոլայ Բաղդասարյանն էլ այսօր Ազգային ժողովում լրագրողների հետ զրույցում ասել է, թե իր ընտանիքի բոլոր անդամները կարող են իրենց սեփական կարծիքն ունենալ, ինքը դրանց չի խառնվում, բայց որևէ կերպ չի քննադատել օրը ցերեկով մարիխուանայի տոնին միացած եղբորը։

Մինչ հասարակությունը հերթական շոկն է ապրում՝ Բաղդասարյանը ժպիտով պատասխանում է՝ եղբոր՝ Ալեքսանդր Բաղդասարյանի, գործերին չի խառնվելու։

Հետաքրքիր է՝ երբ բռնաբարությունն ու գողությունն էլ օրինականացնելու համար Բաղդասարյանի եղբայրն ակցիա անի Օպերայում, նա դարձյա՞լ նույն անտարբերությունը կդրսևորի ու կասի, որ եղբայրն ունի իր կարծիքը, որին ինքը չի խառնվում։

Իսկ այս տեմպերով գնալու դեպքում՝ չի բացառվում, որ շուտով ոստիկանները ստիպված լինեն ցրել վերը նշված պահանջով բողոքի ակցիաները։ 

NEWSPRESS.am