ԱԺ աշխատակազմի ղեկավարի տեղակալը՝ սուպեր մինիմալիզմի կողմնակից․ նա թաքցրել է 36 աշխատողի գործից դուրս գալու փաստը. Armdaily.am
Armdaily.am-ը ԱԺ լրատվության և հանրության հետ կապերի վարչությունից խնդրել էր տրամադրել տեղեկություն, թե 2019 թվականի հունվարի 1-ից մինչև ապրիլի 10-ը ՝ ԱԺ աշխատակազմից քանի պետծառայող և քանի հայեցողական աշխատակից է ազատվել աշխատանքից և ինչ պատճառներով։
ԱԺ-ից տեղեկացրել են, որ հունվարի 1-14-ն աշխատանքից ազատվել է 177 աշխատակից՝ աշխատակազմի ղեկավար-գլխավոր քարտուղար, աշխատակազմի ղեկավարի առաջին տեղակալ, տեղակալներ (4 հոգի, անձնական դիմումի համաձայն), ԱԺ նախագահի 3 խորհրդական, աԺ նախագահի տեղակալի խորհրդական, ԱԺ նախագահի 2 տեղակալ , Աշխատակազմի ղեկավարի 5 օգնական, խմբակցության 5 փորձագետ, կառուցվածքային ստորաբաժանման 2 աշխատող՝ անձնական դիմումների համաձայն։ 105 պատգամավորի օգնական՝ պատգամավորների լիազորությյունների դադարեցման պատճառով, ԱԺ նախագահի 3 օգնական՝ պաշտոնավարման ժամկետը լրանալու պատճառով, ԱԺ նախագահի տեղակալի 2 խորհրդական, ԱԺ նախագահի տեղակալի 2 օգնական, խմբակցության 12 փորձագետ, խմբակցության 2 գործավար, ԱԺ մշտական հանձնաժողովի 2 գործավար, ԱԺ նախագահին և տեղակալներին, հանձնաժողովների նախագահներին, տեղակալներին, խմբակցությունների ղեկավարներին սպասարկող ծառայողական մեքենաների 25 վարորդ՝ պայմանագրի ժամկետները լրանալու պատճառներով։
ԱԺ-ից տեղեկացրել են նաև, որ հունվարի 1-ից մինչև ապրիլի 22-ը ԱԺ աշխատակազմից ազատվել է 38 աշխատակից՝ կառուցվածքային ստորաբաժանման 7 աշխատող, կառուցվածքային ստորաբաժանման 6 տեխնիկական սպասարկում իրականացնող՝ անձնական դիմումների համաձայն, ինչպես նաև կառուցվածքային ստորաբաժանման 25 տեխնիկական սպասարկում իրականացնող։
Հիշեցնենք, որ ապրիլի 4-ին Armdaily.am-ի հետ զրույցում ԱԺ աշխատակազմի ղեկավարի տեղակալ Լիլիթ Մինասյանը հերքեց լուրերը, որ բազմաթիվ աշխատակիցներ են ազատվել աշխատանքից։ «Դեռ աշխատանքից ազատվել է 2 հոգի: Ազատվել են, որովհետև նրանց պայմանագրի ժամկետները ավարտվել են. նրանք քաղաքացիական պայմանագրով էին աշխատանքի ընդունվել այստեղ: Ընդունվել են աշխատանքի արխիվի երկու աշխատակից: Ինչ վերաբերում է տարիներ ի վեր աշխատողներին, ապա մենք նրանց գնահատում ենք և շարունակում ենք իրենց հետ աշխատել»,- նշել էր նա։
Փաստորեն ԱԺ աշխատակազմի ղեկավարի տեղակալի տվյալներով աշխատանքից ազատվել է 2, իսկ լրատվության և հասարակայնության հետ կապերի վարչության տվյալներով 38 մարդ։
Մանրամասները՝ սկզբնաղբյուր կայքում
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
