«1000 դրամների» հիմնադրամը բացահայտեց ֆեյք 50 հազարը
Արդեն մի քանի օր է՝ մամուլն ակտիվորեն քննարկում է վարչապետ Նիկոլ Փաշինայնի՝ ԵԽԽՎ բարձր ամբիոնից արած մի հայտարարություն՝ կապված Հայաստանում 50 հազար աշխատատեղի՝ ստվերից դուրս գալու հետ:
Այն, որ ԵԽԽՎ-ում նման հայտարարություն անելն ուներ հատուկ նպատակ՝ այն է՝ միջազգային հանրության աչքը մտցնել տնտեսական հեղափոխության սեփական օրինակը՝ փաստ է:
Փաստ է նաև, որ Փաշինյանը չէր հաշվարկել այդ հայտարարության հետևանքները՝ օրինակ, այն, որ եթե 50 հազար աշխատատեղ է ստվերից դուրս եկել, դա նշանակում է՝ 50 հազար քաղաքացի դարձել է հարկառու և ամեն ամիս 1000 դրամ է վճարում «1000 դրամների» հիմնադրամին:
Փաշինյանի ներկայացրած իրականության պարագայում՝ «1000 դրամները» պետք է իր մուտքերն ավելացներ ամենաքիչը 50 հազար անգամ, բայց ավելացրել է ընդամենը 5026 անգամ:
Այս պարզ մաթեմատիկական հաշվարկն այսօր խորհրդարանում Ազգային ժողով-կառավարություն հարցուպատասխանի ժամանակ Փաշինյանին ներկայացրեց «Լուսավոր Հայաստան» խմբակցության պատգամավոր Արմեն Եղիազարյանը:
«Իմ ունեցած տեղեկություններով, հեղափոխությունից հետո՝ մինչև 2018 թվականի դեկտեմբերը ներառյալ, այդ հիմնադրամի ամսական ցուցանիշն աճել է 5 մլն 26 հազար դրամով, իսկ դա նշանակում է, որ ստվերից օրինական դաշտ է տեղափոխվել 5026 աշխատող»,-ասաց պատգամավորը, ինչը հերքել, վարչապետը, պարզապես չկարողացավ:
Խոստացավ հրահանգել պարզել՝ ինչպե՞ս է էդպես ստացվել, ինչպե՞ս կարող է ստվերից դուրս գալ 50 հազար աշխատատեղ, բայց այն արտացոլվի ընդամենը 5026–ի տեսքով:
Ընդունենք, որ տատանումը 100 կամ 200 աշխատատեղի մասին չէ. խոսքը գնում է 45000 աշխատատեղի մասին, իսկ սա հենց այնպես բաց թողնված թիվ չէ, սա հենց այն թիվն է, որը բացահայտում է էժանագին մանիպուլյացիան և ստվերի դեմ պայքարելու իմիտացիան:
Փաստորեն, «1000 դրամների» հիմնադրամը բացահայտեց ֆեյք 50 հազարը:
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
