Հաջողվել է Հայաստանից արմատախիլ անել համակարգային կոռուպցիան. Փաշինյան
Հայաստանում հսկայական քաղաքական փոփոխություններ են տեղի ունենում: Այդ մասին ԵԽԽՎ լիագումար նիստի ընթացքում՝ իր ելույթի ժամանակ, ասաց ՀՀ վարչապետ Նիկոլ Փաշինյանը:
Որպես դրական փոփոխություն՝ նա նշեց, որ հաջողվել է Հայաստանից արմատախիլ անել համակարգային կոռուպցիան, վերացնել մենաշնորհային տնտեսակարգը, օրենքի առաջ բոլոր մարդկանց հավասարության իրական պայմաններ ստեղծել: Նա նկատեց նաև, որ ամենօրյա ռեժիմով կրճատվում է ստվերային տնտեսությունը:
«Մեր բյուջեի եկամտային մասի լրջագույն գերակատարումներ են արձանագրվել, և մենք մտադիր ենք 2019 թվականի բյուջեի եկամտային մասը գերակատարել շուրջ 80 միլիոն դոլարով: Այս հավելյալ գումարները կծառայեն ճանապարհների կառուցմանը, կրթական և առողջապահական ներդրումներին, տարածքային համաչափ զարգացմանը և աշխատավարձեր կբարձրացվեն: Մեր կառավարության գործունեությունը թափանցիկ է և հաշվետվողական»,- ասաց Փաշինյանը։
Նա իր ելույթում նշեց, որ Հայաստանն այսօր լիարժեքորեն ժողովրդավարական երկիր է, խոսքի և հավաքների կատարյալ ազատությամբ: Բայցև միաժամանակ նշեց, որ Հայաստանում ժողովրդավարությունը ուժեղանալու, տնտեսապես և ինստիտուցիոնալ երաշխիքների անհրաժեշտություն ունի:
«Մենք ԵԽ-ի աջակցության կարիքն ունենք: Այս ամենը կարևոր է ոչ միայն քաղաքական հեղափոխության արդյունքներն ամրագրելու, այլև մեր սկսած նոր՝ տնտեսական հեղափոխությունը բարեհաջող ավարտին հասցնելու համար»,֊ ասաց Փաշինյանը:
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
