«Սո՛ւտը, թե ես 7 մլդ դրամ եմ պարտք». «Սպայկայի» տնօրենը վստահեցնում է՝ ՊԵԿ-ը հետապնդում է իրեն

Երեկ «Սպայկա» ընկերության տնօերն Դավիթ Ղազարյանի ձերբակալման մասին տարածված լուրերից հետո, կեսգիշերին Եվրոպական զարգացման բանկից զանգահարել են նրան ու հայտնել, որ ժամանակավորապես կասեցնում են «Սպայկայի» նոր ներդրումային ծրագրի ֆինանսավորումը, քանի որ տնօրենի նկատմամբ քրեական հետապնդում է սկսվել։

Այս մասին մամուլի ասուլիաի ժամանակ հայտարարեց «Սպայկա» ընկերության տնօերն Դավիթ Ղազարյանը՝ անդրադառնալով ՊԵԿ-ի հայտարարությանը:

«Մեր նոր իրականության մեջ մարդուն կարող են շոկի ենթարկել։ Սա ինձ համար իրոք անակնկալ էր ու ես շոկի մեջ եմ: Միանգամից մի մեծ հատոր գործ են ներկայացրել ու ներկայացրել կալանքի միջնորդություն, որն այսօր ժամը 5-ին քննվելու է դատարանում»,-ասաց Դավիթ Ղազարյանը՝ ընդգծելով, որ իերնք աշխատում են բաց ու թափանցիկ և չունեն հարկային անկատար պարտավորություններ:

Նրա գնահատմամաբ, այս ամենն իր նկատմամաբ հետապնդում է և բացատրեց.երբ հայտարարել են, որ «Սպայկան» 2 մլրդ դրամ հարկ չի վճարել, մի քանի օրվա մեջ այն ֆինանսական կառույցները, որոնք աշխատում էին ընկերության հետ, արգելափակել են ընկերությանը և վերջինս չի կարողանում օգտվել շրջանառու միջոցներից:

Ինչ վերաբերում է եկամուտները թաքցնելու մեղադրանքին, ապա Ղազարյանը նկատում է՝ իրականում 2.45 մլրդ դրամի հաշվարկ տեղի չի ունեցել, բայց ինքը համաձայնել է գնալ փոխզիջման` շահութահարկի մասով և վճարել է պահանջված գումարը։ Բայց ՊԵԿ–ը, նրա խոսքով, «կառչել է» դրանից ու քրեական հետապնդու իրականացրել։

Դավիթ Ղազարյանը հայտարարեց, որ 2018թ.–ի ընթացքում «Սպայկան» վճարել է 3.3 մլրդ դրամ հարկ, 2019թ.–ի առաջին եռամսյակում` 2.3 մլրդ։

Ընկերությա տնօրենը վստահեցնում է՝ ՊԵԿ-ի հայտարարած 7 մլդ դրամի մասին խոսք լինել չի կարող:

«Սո՛ւտը, թե ես 7 մլդ դրամ եմ պարտք»,-ասում է Դավիթ Ղազարյանն ու վստահեցնում, որ ամեն դեպքում ինքն այս ամենը չի քաղաքականացնում և չի կարծում, թե սա քաղաքական պատվեր է:

«Ես արդար եմ ժողովուրդ, ոչինչ չի ստացվի: Ես բոլորի համար պատասխա՞ն պետք է տամ, թույլ տեղ են գտե՞լ»,-ասաց նա: