Փաշինյանին դուր չի գալիս իրենից խելացիների և ուժեղների հետ աշխատելը

Վարչապետ Նիկոլ Փաշինյանը երեկ Մարգարիտ Ազարյանին ազատել է վարչապետի աշխատակազմի կադրերի և անձնակազմի կառավարման վարչության պետի պաշտոնից:

Նշենք, որ Ազարյանը Ազգային անվտանգության ծառայության ղեկավար Արթուր Վանեցյանի մայրն է։

Ակնհայտ է, որ Վանեցյանի մորն աշխատանքից ազատելու համար Նիկոլ Փաշինյանն իր պատճառներն է ունեցել․ այստեղ չենք գրում հիմնավորումը, քանի որ տարիներ շարունակ այդ ոլորտում աշխատող պրոֆեսիոնալն, ով իր այդ պոստում է եղել Հայաստանի երեք նախագահների պաշտոնավարման տարիներին, դժվար թե թույլ տար մասնագիտական գործունեության հետ կապված այնպիսի մի վրիպակ, որի համար արժենար նրան աշխատանքից ազատել։ Եվ հետո, եթե խոսքը գնում է մասնագիտական աշխատանքում թերանալու կամ սխալվելու արդյունքում աշխատանքից ազատվելու մասին, ապա պարզից էլ պարզ է, որ այդ հիմնավորումը կառավարության ղեկավարը պետք է կիրառեր իր թևի տակ ծվարած բազմաթիվ այլ մարդկանց նկատմամբ, ովքեր զուրկ են մասնագիտական հմտություններից, իսկ շատ հաճախ էլ չգիտեն՝ որտեղ են հայտնվել և ինչու։

Արթուր Վանեցյանի մորն աշխատանքից ազատելով Նիկոլ Փաշինյանը մեսիջ է հղում Վանեցյանին, որ հաջորդը կարող է ինքը լինել, եթե կանգ չառնի։ Փաշինյանին անհանգստացնում է ԱԱԾ տնօրենի՝ ամեն օր աճող վարկանիշն ու պրոֆեսիոնալիզմը։

Փաշինյանին դուր չի գալիս նաև աշխատել իրենից խելացիների և ուժեղների հետ, իսկ Վանեցյանը իր պաշտոնը ստանձնելու օրվանից ապացուցեց, որ այդպես է ծառայում պետությանը։

Նա զերծ է ավելորդ ուշադրութուն իր վրա կենտրոնացնելու, կեղծ լայքեր հավաքելու մարմաջի, անիմաստ և ավելորդ PR-ի փաշինյանական դրսևորումներից։ ԱԱԾ տնօրենը ճիշտ իր տեղում է՝ գիտակցելով իր պաշտոնից բխող պարտականությունների ծանրությունը։

Այս քայլերով շարունակելու դեպքում Վանեցյանը հավակնում է դառնալ վարչապետի հաջորդ թեկնածուն այն ժամանակ, երբ Փաշինյանը զրոյացնի իր վարկանիշն, ինչի ճանապարհին է արդեն ամիսներ շարունակ։

Ի տարբերություն պետական կառավարման այլ մարմինների՝ Ազգային անվտանգության ծառայությունը վստահելի ձեռքերում է, ինչը գիտակցում է նաև իշխանական մեծամասնության այն հատվածը, որն առանց Փաշինյանի հովանու՝ զրո արժեք ունի։

Հենց Վանեցյանի վարկանշը չեզոքացնելու համար է, որ Վանեցյանի դեմ սկսվեց նաև տեղեկատվական գրոհ որոշ լրատվամիջոցների միջոցով, ինչին լավ են տիրապետում և՛ վարչապետը, և՛ քաղաքական մեծամասնության՝ ֆեյքային բանակներ պահող անդամները։

NEWSPRESS.am