Նիկոլ Փաշինյանը հայ տղերքին սարքեց «ակտիվիստ գործ տվողներ»

Թավշյա հեղափոխությունն իր հետ Հայաստան բերեց մի շարք արատներ՝ ֆեյքային պատերազմներ, հայհոյանք, անհարգալից վերաբերմունք` գիտնականի, ուսուցչի և առհասարակ չքայլած մարդու նկատմամբ։

Այլևս հեղափոխական սիմվոլներ դարձան քայլողները, Փաշինյանին դափնիներ նվիրողներն ու «գործ տվող»-ները:

Պարզվում է՝ եթե նախկինում մենք կարող էինք հպարտանալ մեր ջենտլմեն տղաներով, այժմ ջենտլմենությունը նրանց մոտ իր տեղը զիջել է մի շատ վատ հատկանիշի․ շնորհիվ Փաշինյանի միտինգային հոգեբանության մեր սոցիումում նոր կարգավիճակ է ձևավորվել՝ «ակտիվիստ գործ տվողներ»:

Նրանք ամենուր են և որպես կանոն անգրագետ, անիմաստ աղմուկ են բարձրացնում, մարդկանց հանում հունից, նյարդայնացնում և նյարդային պահին արված մի արտահայտությւնից կառչելով՝ ինտրիգ հրահրում:

Այդպես եղավ նաև երեկ. համացանցում տարածվեց մի տեսանյութ, երբ այդ անգրագետ «ակտիվիստ գործ տվողները» նկարել էին ՄԱԿ-ին սպասարկող համարանիշներով մեքենայի վարորդին, իբրև թե այդ դիվանագետը խախտում է կատարել:

Վաղուց ունենք կայացած պետական ապարատ, որը զբաղվում է նմանատիպ հարցերով՝ ի դեմ ճանապարհային ոստիկանության: Եթե անգամ ոստիկանը տվյալ պահին խախտումը չէր ֆիքսել, ապա դա անպայման արած կլինեին տեսահսկող սարքերը, բացի այդ, չէր ֆիքսել նաև «ակտիվիստ գործ տվողը» և, հետևաբար, անիմաստ ջուր էր ծեծում:

Ի՞նչ իրավունքով է նկարում, ապա տարածում Հայաստանում դիվանագիտական առաքելություն իրականացնող դիվանագետին, երբ դրա համար կան համապատասխան մարմիններ: Սա անօրինականություն է և ենթակա է պատժի: Այս կերպ մենք ավելի նվաստացնում ենք համակարգը, որը նոր իշխանությունների ժամանակ օր օրի գահավիժում է: Ճիշտ էր դիվանագետի այն պնդումը, թե խախտում եմ արել՝ ուղարկեք ծանուցում, վճարեմ իմ կատարած խախտման համար, իսկ եթե ոչ՝ ի՞նչ իրավունքով եք նկարում: Գուցե ընդհանրապես պետք չէր, որ համացանցում լիներ տեղեկություն այդ մարդու՝ Հայաստանում գտնվելու մասին և գուցե պահեք պոլիտկոռեկտություն, ի վերջո, տղամարդ եք և ապրում եք իրավական երկրում, վերջ տվեք ամբոխահաճո ապրելակերպին:

Արիանա Հովսեփյան 
NEWSPRESS.am-ի հիմնադիր-տնօրեն