Ալիևի հարցազրույցը ցույց տվեց, որ Փաշինյանի խոստումը կյանքի կոչվելու հեռանկար չունի. Աշոտյան (տեսանյութ)

Հայաստանի Հանրապետական կուսակցության փոխնախագահ Արմեն Աշոտյանը ֆեյսբուքյան ուղիղ եթերի միջոցով անդրադարձել է երեկ Վիեննայում կայացած Նիկոլ Փաշինյան - Իլհամ Ալիև հանդիպմանը: 

Սակայն մինչ հանդիպմանն անդրադառնալն Աշոտյանը հիշեցրել է, որ Նիկոլ Փաշինյանը Ստեփանակերտում խոսել էր Արցախը բանակցային կողմ դարձնելու մտադրության և մասին:

«Երբ համեմատում ենք Մինսկի խմբի նախագահների և արտգործնախարարների համատեղ հայտարարությունը և համեմատում փաշինյանական այս պնդումների հետ, տեսնում ենք, որ նման հարցերի քննարկման որևէ ակնարկ չկա: Ես չեմ բացառում, որ Նիկոլ Փաշինյանը խոսակցության մեջ գուցեև բարձրացրել է այդ թեման, հատկապես Ալիևի հետ առանձնազրույցում, սակայն փաստը մնում է փաստ է, որ անգամ հնարավոր բարձրաձայնման դեպքում այդ առաջարկությունը, փաշինյանական այդ պնդումը, ղարաբաղյան քաղաքականության մեջ իր անկյունաքարային այդ խոստումը որևէ արձագանք ՄԽ համանախագահների հայտարարությամբ արձագանք չի գտել: Ճիշտ հակառակը՝ Ալիևն անմիջապես հանդիպումից հետո, տալով «ՌԻԱ Նովոստի»-ին համապատասխան հարցազրույցը՝ պնդեց, որ բանակցային ձևաչափի փոփոխություն Ադրբեջանը չի ընդունելու: Գովեց նաև ՄԽ համանախագահներին, ովքեր  այդ հարցը թողել են փաստացի ադրբեջանական կողմի քմահաճույքի վրա: Ալիևի հարցազրույցից և ՄԽ համանախագահների հայտարարությունից ակնհայտ է դառնում, որ Փաշինյանի խոստումը կյանքի կոչվելու հեռանկար չունի, գոնե այս փուլում»,- նշել է Աշոտյանը:

Մանրամասները՝ տեսանյութում