Խեղկատակությունն էլ պետք է սահման ունենա. քեզ ո՞ւմ տեղն ես դրել, Նազենի՛

Մեղրիի զորամասում զինվորների դասալքության շոկը դեռ չմարսած՝ հայ հասարակությունն այսօր ականտես եղավ մեկ այլ շոկի:

Պարզվեց, որ մշակույթի նախարարի պարտականությունները կատարող Նազենի Ղարիբյանն, ով Աննա Հակոբյանի և Լիլիթ Մակունցի ձեռքին խամաճիկ է, աշխատանքից ազատել է Օպերային թատորնի գեղարվեստական ղեկավար և տնօրեն Կոնստանտին Օրբելյանին՝ մի մարդու, ում ավանդը աշխարհում փաստում են հարյուր- հազարավորները, ում անունն անգամ բավարար է հպարտորեն աշխարհին ներկայանալու համար:

Իսպանական երաժշտությունից գլուխը կորցնող ու ինքնամոռաց պարող Նազենի Ղարիբյանը ավելի ուշ հանդիպել է թատրոնի աշխատակիցների հետ ու ոչ մի հարցի չկարողանալով տալ ադեկվատ պատասխան՝ մի քանի անգամ նույն նախադասությունը կրկնել. Օրբելյանին աշխատանքից ազատել են օրենքի պահանջով, բացի այդ՝ նա չի տիրապետում հայերենին: Այս բացատրությունը հունից հանել է թատրոնի աշխատակիցներին, որոնք պահանջել են երկուշաբթի օրը ընդլայնված կազմով հանդիպում մշակույթի նախարարի պարտականությունները կատարողի հետ:

Նազենի Ղարիբյանը թատրոնից հեռացել է՝ կրկնելով, որ թատրոնն այլևս նոր տնօերն ունի, և աշխատակիցները երկուշաբթի օրը կհանդիպեն նրա հետ:

Թեև Նազենին անուն չի տվել, բայց ԶԼՄ-ներն արդեն գրել են, որ Օրբելյանին փոխարինել են Երևանի ավագանու «Իմ քայլը» դաշինքի անդամ Արմեն Սարգսյանով, ով հայտնի էր որպես «Բրենդ թայմ» հեռուստածրագրի հաղորդավար և մոդել:

Ավելին՝ Արմեն Սարգսյանը չի ժխտել տեղեկությունը, որ ինքը դիտարկվում է որպես թատրոնի տնօրեն:

Այստեղ տեղին է հիշեցնել, որ Արմեն Սարգսյանին այս պաշտոնը խոստացել է Լիլիթ Մակունցն ու այսօրվա անակնկալը Մշակույթի նախարարության վերջը տված և այդպես էլ մշակույթից գլուխ չհանած Մակունցի աշխատանքի արդյունքն է՝ Աննա Հակոբյանի գլխավորությամբ:

NEWSPRESS.am--ի հիմնադիր-տնօրեն՝

Արմենուհի (Արիանա) Հովսեփյան