Արի վարկդ փակեմ, Փաշինյան Նիկոլ
Ազգային ժողովում այսօր ՀՀ վարչապետ Նիկոլ Փաշինյանը ներկայացրեց կառավարության գործունեության ծրագիրը։
Այս ծրագիրը լսելուց ՀՀ քաղաքացիներիս մոտ տպավորություն է ստեղծվում, որ մենք ապրում ենք կայծակնային տեմպերով առաջ գնացող երկրում, սակայն, ցավոք սրտի, կաշիներիս վրա դա չենք զգում։
Փաստորեն, տնտեսական ցուցանիշներն աճել են տնտեսության բոլոր ճյուղերում, իսկ հիփոթեքային վարկավորման մեծ տեմպերը վկայում են, որ մարդիկ մտածում են ոչ թե Հայաստանից արտագաղթելու, այլ այստեղ տնավորվելու մասին։
Իհարկե՛, վարչապետի այս լուսավոր, Հայաստանի իրականությունից կտրված զեկույցը տխուր նոտայով կտրեց «Լուսավոր Հայաստան» խմբակցության պատգամավոր Մանե Թանդիլյանը՝ հետաքրքրվելով, որ եթե մարդիկ լավ են ապրում, ինչո՞ւ են այդ դեպքում երկրում գնալով մեծ թիվ կազմում սպառողական վարկերը։
Նիկոլ Փաշինյանն էլ, նկատելու չտալով պատգամավորի հարցի լրջությունն, ասաց, որ ապառիկով ապրանք ձեռք բելելը շատ ավելի ձեռնտու է, քան կանխիկով առևտուր անելը։
Իհարկե, այս հարցում վարչապետ Փաշինյանը տնտեսագետների հետ լրջագույն դասընթացներ անցնելու խնդիր ունի՝ նման խայտառակ վրիպումներ թույլ չտալու համար, սակայն, դա դեռ թողնենք մի կողմ։
Փաշինյանն Ազգային ժողովի բարձր ամբիոնից, ի լուր ազգի, ասաց, որ իրենց տանն ինչ կա՝ լվացքի մեքենա, սառնարան, գնել են ապառիկով, իսկ լվացքի մեքենայի ապառիկն էլ, ասաց, որքանով, որ հիշում է, մինչև հիմա փակում են։
Վարչապետն, իհարկե, ԱԺ ամբիոնը ևս մեկ անգամ օգտագործեց ցույց տալու համար, որ ինքը ժողովրդի ծոցից դուրս եկած վարչապետ է ու շարքային, ապառիկների ու վարկերի տակ կքած քաղաքացուց որևէ բանով չի տարբերվում։
Վարչապետի էժանագին «շուլուխը» շտապեց թեժացնել Ազգային ժողովի նախագահ Արարատ Միրզոյանը ու հպարտ ասաց, որ ապառիկով հեռուստացույց չի կարողացել վերցնել, քանի որ իր բանկային հաշիվը կալանքի տակ է։
Այս երկխոսությանը հաջորդեց մե ծիծաղ ու մե խնդություն, ինչից հետո լիցքաթափված դահլիճը շարունակեց քննարկումը։
Փաստորեն, պառլամենտական երկրում խորհրդարանը, որի ամբիոնը պետք է օգտագործվի բացառապես կարևոր նշանակության հարցերի լուծման համար, բարձրաստիճան պաշտոնյաներն օգտագործում են անմակարդակ շուլուխների համար։
Հարց է առաջանում՝ առավոտյան ժամը 10-ից Ազգային ժողովում ելույթ ունեցող վարչապետին ինչո՞ւ մեկը չհարցրեց Մեղրիի զորամասում տեղի ունեցած «բեսպրիդելի» մասին, թե՞ այստեղ հավաքվել են միայն Փաշինյանին ու նրա կառավարությանը տուրք տալու համար։
Փաշինյանին հարց տալու համար հերթագրվել է 45 պատգամավոր, որոնց մեծամասնության հարցերն ուղղակի ջուր են կամ ջուր՝ Փաշինյանի PR-ի համար աշխատող ջրաղացին։
Իսկ վերջում, հարգելի վարչապետ, ուզում եմ ասել՝ վարկ ունե՞ս, բեր փակեմ․․․
Ազգովի եկեք հավաքվենք Փաշինյան Նիկոլի վարկը փակենք․ երկրի վարչապետին հարիր չէ լվացքի մեքենայի վարկ փակելն, այն էլ 4 տարի։
Արիանա Հովսեփյան
NEWSPRESS.am-ի հիմնադիր-տնօրեն
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Անսպասելի ստուգումնե՞ր, թե՞ տեսախցիկի համար կազմակերպված այցեր
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
