Թրամփի հաղթանակը նոր էջ կարող է բացել Մեծ քաղաքականության մեջ. ի՞նչ պետք է ակնկալի Հայաստանը

Միացյալ Նահանգներում 2016 թվականի նախագահական ընտրություններին ռուսական միջամտության գործի քննությունն ավարտվել է։ ԱՄՆ գլխավոր դատախազ Վիլյամ Բարրը նամակով դիմել է Կոնգրեսին, որտեղ ներկայացրել է, այսպես կոչված, ռուսական միջամտության գործով հատուկ դատախազ Ռոբերտ Մյուլլերի գլխավորած քննչական թիմի իրականացրած աշխատանքի արդյունքները համառոտ կերպով։ Հետաքննությունն այդպես էլ չի կարողացել ապացուցել, որ ԱՄՆ նախագահ Դոնալդ Թրամփը դավադրական կապեր է ունեցել Ռուսաստանի հետ կամ Ռուսաստանն ազդել է ամերիկյան ընտրական գործընթացների վրա։

Սա կարելի է համարել Թրամփի անվերապահ և ամբողջական հաղթանակ։ Ու թեև դեմոկրատները պահանջել են, որպեսզի հրապարակվի հետաքննության արդյունքների ամբողջ տեքստը, Թրամփը դեմ չի արտահայտվել։ Համաշխարհային քաղաքականության մեջ սա կարող է դիտարկվել որպես նոր սկզբի մեկնարկ։ Իսկ ի՞նչ կլինի։ Այն, որ Թրամփը լիովին անպարտ է ճանաչվել իրենց մեղսագրվող արարքներից, լիովին արձակում են նրա ձեռքերը, իրականացնելու համար իր վաղեմի երազանքը, հասնել ռուս-չին-ամերիկյան գործարքի, որը կարող է նոր աշխարհաքաղաքական կարգ սահմանել և ամրապնդել ինչպես անվտանգությունը, այնպես էլ խաղաղ գոյակցությունը։ Պարզ ասած, Թրամփը նոր հնարավորություն է ստանում աշխարհի վերաբաժանման համար։

Արդեն հայտնի է, որ Մոսկվան երկու ռազմական օդանավ է ուղարկել Վենեսուելա։ Իսկ ինչ ակնկալել Հայաստանի համար, աշխարհաքաղաքական այս հնարավոր նոր սկզբի մեկնակետից։ Եթե կայանա ռուս-չին-ամերիկյան գործարքը, և այն հիմնված լինի փոխադարձաբար ազդեցության գոտիների հարգման վրա, ինչը ենթադրելի է, ապա Հարավային Կովկասում հնարավոր տեկտոնիկ սրացումները կչեզոքանան, թեկուզ փոխզսպման սկզբունքից ելնելով։ Կովկասը կմնա իր ավանդական ուղեծրում, ինչը նշանակում է, որ հատկապես Փաշինյանը կսկսի ավելի շատ խաղեր տալ ռուսների հետ, ինչը կարող է լիովին այլ իրավիճակ ստեղծել ներհայաստանյան դաշտում, բերելով օրինակ թիմից սորոսականների զտման, նույնիսկ վերջիններիս դեմ Երևանից մինչև Գյումրի, Վանաձոր, Գորիս և այլուր ունեցած ներկայացուցիչների դեմ աղմկոտ գործերի հարուցում, բացահայտումներ, մի խոսքով, Իրան այցելության ժամանակ «օտարերկրյա գործակալների» մասին հայտարարության իրավական հետևանքների կյանքի կոչում։

NEWSPRESS.am