Փաշինյանը հնձում է այն, ինչ ցանել է

Մեղրիի զորամասերից մեկում ըմբոստության միջադեպ է եղել։ Դեպքը բավական մեծ աղմուկ է հանել հայկական մեդիա դաշտում։ Արդեն դեպքի մասին հրճվալից հրապարակումներ են հայտնվել ադրբեջանական օնլայն լրատվական դաշտում։ Բաքվի քարոզչամեքենան միջադեպը այնպիսի երանգավորմամբ է ներկայացնում, ասես Հայաստանում բանակում կատարյալ «բարդակ» է տիրում։

Հայկական պաշտպանական գերատեսչությունը արդեն հանդես է եկել հայտարարությամբ, որն ավելի ինքնապաշտպանական է, թեև նույնիսկ հեռուստակադրերից երևում է, որ Արծրուն Հովհաննիսյանը հազիվ է զսպում զայրույթը։

Եթե մի փոքր ավելի անկեղծանանք, ապա նման զարգացումները բանակում հնարավոր են։ Ու որքան էլ առաջին հայացքից հնչի անհեթեթ, սակայն իրականում այս ամենի միակ պատասխանատուն Նիկոլ Փաշինյանն է։ Օրինակ, եթե Փաշինյանը դառնար վարչապետ հաջորդ՝ հերթական ընտրություններում և ոչ թե իշխանափոխությամբ, ապա նման երևույթների տեղի ունենալու հավանականությունը կլիներ չափազանց ցածր, որովհետև նա չէր լինի փողոցից իշխանության եկած և դժգոհության ալիքի վրա իշխանության հասած մեկը։ Իսկ հիմա նա թիվ մեկ օրինակն է, երբ դեմոկրատիան իր ողջ գործիքակազմով կարող է դառնալ շահարկման թիրախ։

Չենք սիրում տնօրենին՝ փակում ենք փողոց։ Չի գոհացնում արտաքին քաղաքական կուրսը կամ դրա որոշ բաղադրիչները՝ դուրս ենք գալիս ցույցի և այսպես շարունակ։ Իսկ ինչո՞ւ չօգտվել այն ողջ գործիքակազմից, ինչ Նիկոլ Փաշինյանը։ Պարզ ասած՝ Փաշինյանին վճարում են իր իսկ դրամով։ Չէ՞ որ այսօրվա ըմբոստացած ամեն մի զինվորը ապագա վարչապետ է, իսկ նրա ծնողը ապասեփական ֆոնդի օգտին «ռեյդ անող»։ Ու եթե հիմա այս ըմբոստացածներին պատժեն, վերջիններս խոսելու տեղ կունենան, քանի որ չեն պատժել նրանց, ովքեր իշխանափոխության օրերին էին լքել զորամասն ու գնացել ցույցի։ Ամենայն հավանականությամբ, Փաշինյանն իր սովորության համաձայն, չի արձագանքի այս դեպքին, չէ՞ որ սուր հարցերից խուսափել կամ խուսանավող պատասխաններ տալու վարպետ է։

NEWSPRESS.am