Թավշյա ավանտյուրան համարում եմ մի իսկական աղետ հայ ժողովրդի համար. Նարե Գրիգորյան

Նարե Գրիգորանն իր ֆեյսբուքյան էջում գրել է.

«Ուրեմն, էս նիկոլականները արդեն 6 ամիս իմ կենսագրությունն են դրած փորփրում, ինձ վրա մի որևէ վատ բան գտնելու և ինձ դեմ տալու ակնկալիքով: Բայց դե՝ ավելի հեշտ է ֆոկուսնիկի գլխարկում նապաստակ հայտնաբերելը, քան իմ կենսագրականում՝ որևէ վրիպում:

Գնում-գալիս են՝ իմ երեխայից են կպնում, իմ վաղամեռիկ մորն ու ամուսնուն են կպնում, տեսնում են՝ չէ, էլի բան դուրս չեկավ: Ու ոնց պտտվում ՝ էլի գալիս են այն մտքին, որ Նարեն աբիժնիկ ա, գործից հանեցին՝ դուրս եկավ իշխանության դեմ:

Երևում է, որ ինձ չեք ճանաչում: Եթե այդ աշխատանքն ինձ իսկապես պետք լիներ՝ ես իմ ձեռքով դիմումս չէի գրի: Կամ եթե ես աբիժնիկ լինեի, ես ինձ հետ անարդար վարված պետի հետ հաշիվներս կմաքրեի, ինչո՞ւ պիտի ամբողջ համակարգի դեմ պայքարեի:

Ամբողջ համակարգի դեմ պայքարում եմ, որովհետև տեղի ունեցած թավշյա ավանտյուրան համարում եմ մի իսկական աղետ հայ ժողովրդի համար: Այս մարդիկ, որ հիմա ղեկավարում են Հայաստանը, ոչ գիտելիք, ոչ փորձ, ոչ հայրենասիրություն, ոչ էլ պետական մտածելակերպ չունեն: Սրանք ակումբային ջահելություն են՝ վիսկին խմեն, մարիխուանան ծխեն, պարեն, գունավոր ծուխ բաց թողնեն և ուրախանան: Իսկ մեր երկիրը դեռևս գտնվում է պատերազմական դրության մեջ, մենք մեզ այսպիսի ճոխություն թույլ տալու իրավունք չունենք:

4 ամիս աշխատել եմ հեղափոխական կառավարության հետ, նրանց ավելի լավ եմ ճանաչում, քան ձեզնից շատերը:

Ն.Գ.»:

Հիշեցնենք, որ ՀՀ կառավարությունում գործերի կառավարչության գլխավոր գործավարուհի Նարե Գրիգորյանը 2018 թվականի սեպտեմբերին հատարարությամբ էր հանդես եկել՝ ասելով, որ վարչապետ Փաշինյանի աշխատակազմի գործերի կառավարիչ Վահան Պապիկյանը երեկ իրեն ստիպել է աշխատանքից ազատվելու դիմում գրել: Գրիգորյանի խոսքով, ինքն աշխատանքից ազատման դիմում էր գրել այն բանից հետո, երբ Պապիկյանն այլ աշխատակցի ներկայությամբ իր վրա գոռացել և մեղադրել է, թե իբր ինքն իր գործից գլուխ չի հանում, և որ՝ «վեցը խփեց՝ գնում է տուն»: