Մեր ազգընտիր «մարտնչող ապուշին» ասեք՝ հանգիստ նստիր տեղդ

Ինքն իրեն «մարտնչող ապուշ» անվանած պատգամավոր Լուսինե Բադալյանն այս անգամ էլ իրեն «նվաստ» է անվանել: Փաստորեն մեր ազգընտիրը «նվաստ, մարտնչող ապուշ է» և այնքան ինքնահավան ու եսասեր, որ մոռանում է, թե որտեղ է աշխատել մինչև պատգամավոր դառնալը (Կենտրոն TV, Երկիր Մեդիա հ/ը):

Տարբեր լրատվամիջոցներում աշխատած պատգամավորը գրառում է կատարել և խորհուրդ տվել հետևել միայն իր նոր տերերին ծառայող լրատվամիջոցներին` մոռանալով գործընկերներին և հին տերերին:

Հասարակությունը սևերի ու սպիտակների բաժանելուց հետո, հիմա էլ հերթը հասել է լրատվամիջոցներին, որոնք այս նորաթուխ քաղաքական գործիչները տարանջատում են միմյանցից:

Այս պատգամավորը, ով խորհրդարանում դեռ ծպտուն չի հանել, օրենսդրական ոչ մի նախաձեռնությամբ հանդես չի եկել, կարծում է իր գործունեության տիրույթը ֆեյսբուքն է և այստեղ պետք է աշխատի և իր խորհուրդները ֆեյսբուքով հանրայնացնի: Պետք է պատահականորեն պատգամավոր դարձած այս աղջկան հիշեցնել, որ ինքն ամսեկան 660.000 դրամ աշխատավարձ է ստանում մեր պետության օրենսդրական դաշտը կարգավորելու համար, ոչ թե անգրագետ ստատուսներ գրելու և 26 անգամ խմբագրելու համար, հետո էլ ևս մեկ ստատուս գրի ու հպարտանա, որ դարձել է ազգի ծաղրանքի առարկա:

Զարմանալի մարդ է մեր պատգամավորը, մարդիկ ծիծաղում են նրա արտահայտած մտքերի և անգրագիտության վրա, իսկ ինքն ասում է` ինչ լավ է իմ մտքերը մարդիկ տարածում են:

Խորհուրդ կտամ Լուլուին իր կարծիքները շաղ չտալ, որովհետև ինքը չունի բավարար գիտելիք և ինտելեկտ, որ ԶԼՄ-ների աշխատանքը գնահատի, բացի այդ իր յուրաքանչյուր նման գրառում խայտառակում է, թե՛ իր քաղաքական թիմին, և թե՛ իրեն:

Ի դեպ, ինձ պատկանող NEWSPRESS.am լրատվական կայքի լրագրողներից մեկը ժամանակին հանրությանը ծանոթացրել է Լուսինե Բադալյանի անցած ուղու և փոփոխական տեսակետների ու անընդհատ տերեր ու հերոսներ փոխելու վարքագծի մասին:

Այնպես, որ Լուսինե, ինչպես քո նոր տերը կասեր՝ հանգիստ նստիր տեղդ ու չփորձես վարկաբեկել նախկին գործընկերներիդ:

Արիանա Հովսեփյան

NEWSPRESS.am-ի հիմնադիր-տնօրեն