Ավշարի բնակիչների հաղթանակը․ դպրոցի տնօրենը հրաժարականի դիմում գրեց (տեսանյութ)
Այսօր՝ մարտի 12-ին վաղ առավոտից Արարատի մարզի Ավշար գյուղի միջնակարգ դպրոցը դասադուլ էր անում։ Մանկավարժներն ու աշակերտները պահանջում էին գործող տնօրեն Հերմինե Անդրեասյանի հրաժարականը։ Լրագրողների հետ զրույցում ուսուցիչները նշեցին, որ հրաժարականի պատճառը տնօրենի արհամարհական վերաբերմունքն է ուսուցիչների նկատմամբ։
Բացի այդ, ինչպես ուսուցչուհիներից Կարինե Փամբուկչյանը հայտնեց, տնօրենից պահանջում են նաև հիմնավոր պատճառներ, որոնք առիթ են հանդիսացել փոխտնօրեն Գայանե Մարտիրոսյանին աշխատանքից ազատելու համար։
«Հերմինե Անդրեասյանը դպրոցի փոխտնօրենին առանց պատճառի աշխատանքից ազատելու պահանջ է ներկայացրել։ Մանկավարժական կոլեկտիվի և կառավարական խորհրդի անդամների նկատմամբ արհամարհական վերաբերմունքի պատճառով՝ բոլորս դադարեցնում ենք մեր աշխատանքը և դասադուլ ենք հայտարարում։
Դեռ մեկ շաբաթ չկա, ինչ Հերմինե Անդրեասյանը տնօրեն է ու հասցրել է դպրոցում իր կանոնները թելադրել։ Համենայնդեպս այդպես են վստահեցնում ուսուցիչները, ովքեր նկատում են, որ Անդրեասյանը փոխտնօրենին ազատել է աշխատանքից, որպեսզի իր ընկերուհուն՝ Աստղիկ Հարությունյանին նշանակի նրա փոխարեն։
«Ասում է՝ Աստղիկ Հարությունյանն իմ ընկերուհին է, ես իրեն եմ վստահում․ դա դպրոցի ղեկավարի՞ խոսք է»,- նշեց դպրոցի ուսուցչուհին՝ հավելելով, որ տնօրենն իր նշանակումից ճիշտ մեկ ժամ անց հեռացրել է փոխտնօրենին։
Աշակերտները ևս իրենց դժգոհությունն են հայտնել կատարվածի հետ կապված, ինչին տնօրենը պատասխանել է, թե ցանկացած տնօրեն իրավունք ունի հեռացնել իր աշխատողներին և նրանց փոխարեն նշանակել իր մտերիմ և վստահելի մարդկանց։
Հատկանշական է նաև, որ, ուսուցիչների խոսքով, Աստղիկ Հարությունյանը մարզպետի մորաքրոջ հարսն է։
Այս երևույթը ոտքի է հանել ամբողջ գյուղի բնակիչներին, քանի որ վերջիններս վստահ են՝ սա մարզպետի կամ նրա ենթակաների կամայականությունն է, որի մասին գուցեև վարչապետը տեղյակ չէ։ Բոլորը վաղ առավոտից մեկ մարդու նման հավաքվել ու «հեռացիր, հեռացիր» կոչերով պահանջում է հեռացնել անցանկալի տնօրենին։
«Եթե ՀՀԿ-ն թաքուն էր անում, սրանք ափաչքյարա են անում»,- նկատում է, բողոքի ակցիան նկարահանող քաղաքացին։
Ի վերջո, քիչ առաջ, ավշարցիները տոնեցին իրենց հաղթանակը։ Բնակչության ճնշումների ներքո՝ տնօրենը գրեց իր հրաժարականի դիմումը՝ գրանցելով տնօրենի մեկշաբաթյա փորձ։
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Ուկրաինան անօդաչուներով հարվածներ է հասցնում Սոչիին. կան վիրավորներ
Անսպասելի ստուգումնե՞ր, թե՞ տեսախցիկի համար կազմակերպված այցեր
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
Հորդորում եմ խմելու և կենցաղային նպատակներով օգտագործել միայն համայնքի տրամադրած կամ շշալցված ջուրը․...
